د اتصال په دې خپرونه کې، به افغانستان ته په زور د کډوالو لیږلو او د هغوی په ننګونو سربیره د اختر په رارسیدو سره په د غه هیواد کې د خلکو په اقتصادي وضعیت او د ورستیو طبیعي پیښو له کبله د ژوند لمړنیو اسانتیاو په نشتون خبرې شوي دي. دغه نیم ساعته خپرونه له یکشنبې تر پنجشنبې، هر مازدیګر د کابل پر وخت پر شپږنیمو بجو، په مستقیمه بڼه خپرېږي.

د اتصال په خپرونه کې پر افغان نجونو د زده کړو د بندیز او پدې تړاو د ښوونځیو د پرانیستلو په موخه د افغان میرمنو په ورستیو هڅو خبرې شوي، او همدارنګه په افغانستان کې د کارګرو ماشومانو وضعیت څېړل شوی دی.

ملګرو ملتونو له نړۍ غوښتي چې پر افغانو میرمنو او نجونو د ظلم پای ته رسیدلو لپاره عاجل اقدامات وکړي. پدې هکله نن د اتصال په خپرونه کې بحث شوی دی. د فوټبال نړیوال جام ته د افغانستان د رسېدو هڅو ته هم لنډه کتنه شوېده.

د اتصال په خپرونه کې په دې بحث کیږي چې په افغانستان کې د میلیونونو ډالرو مرستو سره سره، بشري وضعیت ولې خراب دی. په دې خپرونه کې د افغان میندو او ماشومانو د مړينې عواملو ته هم لنډه کتنه شوې.

د اتصال په خپرونه کې د سیمې او نړۍ په کچه په افغانستان کې د ټولشموله حکومت د جوړېدو د غوښتنې په اړه بحث شوی او د امو سیند په حوزه کې د نفتو د استخراج مسئله څېړل شوې ده.

پدې خپرونه کې په تهران کې د تماس ډلې او د دوحې د راتلونکې غونډو په اړه د میلمنو سره بحث شوې او د خپرونې په دویمه نیمایی کې د افغان میرمنو لپاره د انلاین زده کړو اهمیت ته هم لنډه کتنه شوې ده.

د اتصال په خپرونه کې د کورنیو چارو وزارت له پخواني وزیر محمد عمر داودزي سره، متحده عرب اماراتو ته د سراج الدین حقاني د سفر او د افغانستان په هکله په سیمه ایزو هڅو خبرې شوي. د پروګرام په وروستۍ برخه کې د کرکټ په نړوال جام کې د افغانستان راتلونکو لوبو ته لنډه کتنه شوې.

د اتصال په خپرونه کې د افغانستان او پاکستان ترمنځ د سوداګرۍ او د بار وړونکو موټرو د تګ راتګ په وړاندې د پرتو خنډونو په اړه بحث شوی دی.

د اتصال په خپرونه کې، په جرمني او نورو اورپايي هېوادونو کې د افغان کډوالو په روحي، فزیکي او کلتوري ستونزو برسېره د خوست او دوبۍ ترمنځ د کام ایر خصوصي هوايي شرکت د مستقیمو الوتنو په اړه بحثونه شوي دي.

د اتصال په خپرونه کې د دوحې د راتلونکې غونډې لپاره د اروپایې ټولنې په ورستیو هڅو او د طالبانو په غوښتنو او همدارنګه د کرکټ په نړیوال جام کې د افغانستان او یوګانډا د لوبې په هکله بحثونه شوي دي.