Şu günler Aşgabatdan Balkan welaýatyna gelen saglyk resmileri sebitiň ähli etraplarynda barlaglary geçirýärler. Barlaglaryň çäginde esasan ginekologlar we häkimiýetleriň geçen ýyllardaky “gyzlyk” barlaglarynda “päkliginiň ýokdugy” anyklanan okuwçy gyzlar barlanýar.

Şu günki programmamyzda: Aşgabatdan gelen saglyk resmileri Balkanyň hassahanalarynda barlag geçirýärler; Ukrain we ABŞ resmileri Floridada parahatçylyk gepleşiklerini geçirdiler we beýleki maglumatlarymyzy diňläp bilersiňiz.

Türkmenistanda suw üpjünçiligi meselesi ýurduň oba hojalyk pudagynda we ilatyň agyz suw üpjünçiliginde uly problema bolmagynda galýar. Mary welaýatynyň birnäçe obasynda ilata agyz suwy iki aý bäri berilmeýän mahaly, etrap merkezindäki ýaşaýyş jaýlaryna suw çäkli möçberde akdyrylýar.

Şu günki programmamyzda: Aşgabatda baýramçylyklaryň öň ýanynda arzan et satuwa çykaryldy; Täjigistan Owganystan serhedini goramak boýunça Russiýa bilen gepleşik geçirýändigini ret edýär we beýleki maglumatlarymyzy diňläp bilersiňiz.

Türkmenistanda köçe-ýol hereketiniň düzgün bozulmalary üçin jerimeleriň mukdary 50%-den 300%-e çenli ýokarlandyr. Içeri işler ministrliginiň wekilleri ýokarlanmany 'adamlaryň howpsuzlygy' üçin edilýän çäre häsiýetlendirse, raýatlaryň ençemesi muny 'boşan gaznany doldurmak tagallalary' atlandyrýar.

Şu günki programmamyzda: Balkanyň edara-kärhanalaryna aýlyklary, pensiýalary 10% ýokarlandyrmagy bes etmek barada habarnama paýlandy; Russiýa ABŞ bilen Ukrainadaky parahatçylyk teklibi boýunça “mazmunly” duşuşygyň ylalaşyga “ýakynlaşdyrmandygyny” aýdýar we beýleki maglumatlarymyzy diňläp bilersiňiz.