Şu günler Balkan welaýatynda dem alyş ýollarynyň ýokanç keselleri giňden ýaýrap, Balkanabat we Türkmenbaşy şäherlerinde saglyk edaralaryna ýüz tutýan adamlar köpelýär, ýerli ýaşaýjylar koronawirus ýokanjyna meňzeş kesel alamatlaryndan howatyr edýär.

Şu günki programmamyzda: Çagalar we tomusky dynç alyş meselesine has jogapkärçilikli çemeleşmeli - pedagog; Diplomatiýa tagallalary Russiýanyň Ukraina garşy urşuna çözgüt tapmady. Indi näme bolar? we beýleki maglumatlarymyzy diňläp bilersiňiz.

Türkmenistanda ymamlar Gurban baýramynyň öňüsyrasynda, ýurtda dowam edýän et gytçylygynyň fonunda, metjitlere barýan adamlaryň arasynda 'gurbanlyk öldürmegiň parz däldigini' wagyz edýärler. Bu aralykda, häkimiýetler käbir sebitlerde baýrama niýetläp, gurnalan hiňňildikleri söküp başlady.

Günbatar Balkan welaýatynda köp sanly döwlet edara-kärhanalarynyň işgärleri, şol sanda mugallymlar, nebitgaz we aragatnaşyk pudaklarynyň işgärleri, şu günler sebitde güýçlenen nagt ýetmezçiliginiň arasynda, aýlyk zähmet haklaryny bankomatlardan nagtlaşdyrmakda kynçylyk çekýärler.

Birleşen Ştatlaryň döwlet sekretary Marko Rubio 20-nji maýda Senatyň Daşary gatnaşyklar komitetinde geçirilen diňlenişikde Hazarüsti taslamasynyň durmuşa geçirilmeginiň ABŞ-nyň daşary syýasat bähbitlerine gabat gelýändigini aýtdy.

Şu günki programmamyzda: Rubio Hazarüsti geçiriji taslamasynyň ABŞ-nyň daşary syýasat bähbitlerine gabat gelýändigini aýdýar; Putin, parahatçylyk gepleşiklerini gijikdirýändigi baradaky aýyplamalaryň arasynda, Kursk sebitine garaşylmadyk sapar etdi we beýleki maglumatlarymyzy diňläp bilersiňiz.

Ahal welaýatynda gulluk borjuny ýerine ýetirýän esgerler sebitiň gowaça meýdanlarynda otag we ýekeleme işlerine çekilip başlandy. Bu ýagdaý esgerleriň gullukdan gaçmaga synanyşmagy bilen bagly wakalaryň köpelmegine, hem-de otly, awtobus menzillerinde harby gözegçiligiň güýçlendirilmegine getirýär.