Şu günki programmamyzda: Elektron wizalar, Türkiýede durmuş guran aýallara ýurtdan çykmaga rugsat berilmegi oňyn ädim – synçy; Düzediş işlerine çekilýän adamlar Marynyň şeker zawodynda işledilýär, önümhanadan ýakymsyz ys gelýär we beýleki maglumatlarymyzy diňläp bilersiňiz.

Bu sepgitler entek deňizdäki damjadyr, ýöne şeýle özgerişler jemgyýetdäki açyk pikir alyşmalaryň netijesidir diýip, ýerli synçy Türkmenistanda daşary ýurtlular üçin elektron wiza düzgüniniň girizilmegini we golaýda ýollary baglanan türkmen zenanlarynyň Türkiýä gitmegine rugsat berilmegini seljerdi.

Işçi ýetmezçiliginiň arasynda, zähmet-düzediş işlerine höküm edilen adamlar Mary şäherinde ýerleşýän şeker zawodynda işe çekilýär, bu ýerde alkogola baglylykdan bejergä mätäçlik çekýän adamlar hem bar diýip, zawodyň önümçilik işlerinden habarly çeşme Azatlyk Radiosyna gürrüň berdi.

Şu günki programmamyzda: Sil suwlary ýollara, jaýlara zelel ýetirýär, ýöne öri meýdanlar ganýar, mallar ine-gana otlaýar; Awtobus, demirýol transportyndaky bökdençlik, ýol-ulag hadysalary ilaty alada goýýar we beýleki maglumatlarymyzy diňläp bilersiňiz.

Ýaz paslynyň gelmegi bilen, Türkmenistanyň dürli künjeklerinde ýygy-ýygydan gaýtalanyp başlan çygly howa ilatyň gündelik durmuşyna, infrastrukturalara zyýan ýetirýär. Beýleki tarapdan, boşap galan suw howdanlary dolýar, öri meýdanlarynyň ýagdaýy gowulanýar we maldarçylyk hojalyklary bähbit görýär.

“Öňler sebitlerde Gurbanguly Berdimuhamedowyň, ýa-da ogly Serdar Berdimuhamedowyň saparlaryna taýýarlyk görülýärdi, indi uly Berdimuhamedowyň gyzy [Oguljahan Atabaýewanyň] saparyna-da taýýarlyk görlüp başlandy” diýip, Balkan welaýatynyň saglyk pudagyndaky bir çeşme aýdýar.

Adam atlary boýunça Türkmenistandan gelip gowuşýan soňky täzelikleriň fonunda, Dünýä Türkmenleri programmamyzyň nobatdaky sany türkmen adam atlarynyň aýratynlyklaryna, etniki azlyklaryň medeni hukuklaryna gönükdirilýär.

Şu günki programmamyzda: Ahalda tüweleý maddy zyýan ýetirdi, ýaşaýjylaryň häkimiýetden soran kömegi ret edildi; Rubio Ukraina bilen gepleşiklerde sabyrsyzlyk görkezýär, “indi öňe gitmäge taýýar” diýýär we beýleki maglumatlarymyzy diňläp bilersiňiz.