Twee van die ses verhoorafwagtende gevangenes wat Sondag uit polisieselle by Onandjaba in die Omusati-streek ontsnap het, is weer in hegtenis geneem. Die gevangenes het beamptes aangeval tydens die verspreiding van voedsel en medisyne, selsleutels gegryp en twee beamptes geboei voordat hulle in selle toegesluit is. Die verdagtes het later meer beamptes oorweldig, 'n AK47-geweer, vier pistole en vyf selfone gesteel en gevlug. Hulle was in aanhouding vir onder meer vermeende verkragting, roof en huisbraak. Kosmos 94.1 Nuus het met NamPol streekbevelvoerder Ismael Basson gepraat: