Xilaba txapelketako azken kanporaketa izan da Gabadikoa, Tafallan eta Zangotzan jokatu dira Nafarroako bigarren eta hirugarren final-laurdenak eta Igorrera ere joko dugu Bizkaiko Bertsolari Txapelketako bigarren kanporaketak eman duenaren berri jasotzeko. Euskal Herrian zehar bidaiatzeko aitzakia eskaini digute lurraldekako txapelketek. Bertsoak ordea, plaza gehiago ere badituenez, Amurrion "Ez da kasualitatea" formatuan egindako saioko pasarteren bat ere berreskuratu dugu, bederatzikoaz gain.