Umeed sajaye baithe hain subh ki, shab e vasl ke baad

Ke Naghma e bulbul sunayi de is shaam e ghazal ke baad

Dekha kis ne mustaqbil ko, dil ko apne jeete jee

Haal men jeena  seekho yaro, kya hai mustaqbil ke baad

Shamsheer se ghayal huay, qatl huay nazron se hum

Kya hai koi qaatil  baaqi ab us dast e ajal ke baad

Jaanti hai manjdhaar men kashti  manzil uski sahil hai

Per, tu bata bande hamen manzil teri sahil ke  baad

Musht e khaak hai insan, khaak hi men miljayega

Aaj ki khabar hai  nahin aur baaten sab kal ke baad  

Pal pal kiBaat karte ho qadam ba  qadam ki baat ’sahil’

Kaun jaane kitne pal baaqi hain is pal ke baad

Notice: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com