ТЕАТРОСК“ е македонска продукција што создава улична уметност, вклучувајки живи статуи и пантомима. Организираат голем број на настани, промоции, перформанси и фестивали кај нас и надвор. Повеќе од десет години патуваат низ светот и настапуваат на интернационални фестивали за живи статуи и баскери. „Театроск“ за актот „Контрабас“ има освоени прво место од гласањето на публиката на интернационалниот натпревар за живи статуи кој беше дел од музичкиот фестивал „Зигет“ во Будимпешта.

Потоа во 2019та година повторно се враќаат на фестивалот „Зигет“, на светското првенство за живи статуи, но овој пат како дел од жири комисијата.

Уличната уметност во Скопје оживува барем еднаш во годината заедно со фестивалот на живи статуи во Скопје, познат како „Статуафест“. Идејата за овој фестивал е секако создадена од основачите на продукцијата „Театроск“, Војо Цветановски и Милена Цветановска.

Во оваа епизода со нив разговараме на најразлични теми поврзани со уличната уметност. Која беше главната тема на овогодинешниот Статуафест? На кои фестивали учествувале? Што треба да направи еден артист за да стане дел од Статуафест? Какви се условите за улична уметност кај нас, а какви се во Европа? …

Подоцна разговаравме и со една од учесничките на овогодинешниот Статуафест, а тоа е актерката Марија Кондовска.

Слушнете го нашиот разговор и уживајте!