Untyped

في الحلقة دي، بنتكلم عن تسريحات الموظفين في شركات زي مايكروسوفت، والربط السريع اللي ناس كتير بتعمله بينها وبين الذكاء الاصطناعي. هل فعلاً الـAI هو السبب؟ ولا في عوامل تانية زي التوظيف الزايد، والتغيرات الاقتصادية؟ بنحاول نفهم الصورة كاملة بعيد عن الهلع والتبسيط الزايد.

في الحلقة دي من Untyped، بنتكلم عن هل فعلاً الـ LLMs ممكن تاخد مكان مبرمجي الـ frontend؟ ولا كل الضجة دي أوفر؟
هنحكي عن اللي فعلاً بتعمله الأدوات دي، وازاي ممكن تساعد، بس في نفس الوقت ليه لسه فيه حاجات مافيش AI بيعرف يتعامل معاها — من تجربة المستخدم لحد قرارات البزنس واكثر.

في الحلقة دي، بنتكلم عن إزاي تقدر تحافظ على الـ context بتاع اليوزر في الويب أب من غير ما الدنيا تبوظ بعد ما يعمل refresh أو يبعَت اللينك لحد تاني.

بنشرح إمتى تستخدمهم، إمتى لأ، وإزاي تربطهم بـ localStorage لو حبيت. كمان بنعدّي على شوية سيناريوهات زي forms، filters، وpagination.

لينكات مفيدة:

• URLSearchParams - MDN
  

• History API - MDN
  

• Location API - MDN

في الحلقة دي، هنتكلم عن فكرة الـ Standard Schemas وإزاي تقدر تكتب تعريف واحد للـ Schema وتبدّل بين مكتبات زي Zod و Valibot من غير ما تغيّر سطر واحد في الكود بتاعك. هنعرف ليه الموضوع ده مهم، وإزاي بيسهّل عليك تفضّل مرن ومش مربوط بمكتبة معينة.

لينكات مفيدة:

• Standard Schema | GitHub
• Zod.dev
• valibot.dev
• arktype.io
• Standard schema implementations
• Standard schema consumers

في الحلقة دي حنلف وندور حوالين Rolldown، وهو احد احدث الـ Bundlers الي ظهرت مؤخراً في ساحة الجافاسكربت.

حتكلم عن ليه كنا محتاجينه، يقرب ايه لـ Rollup، وهل كلنا حنستعمله غصب عننا في Vite، وإزاي بيخلي الـ builds أخف وأسرع. وهل فعلاً يستاهل الهايب؟

لينكات مفيدة:

• Rolldown
• Rollup
• Bundlers overview | Untyped.fm
• ESM vs. CommonJS | Untyped.fm
• Shaking Things Up | Untyped.fm

في الحلقة دي بتكلم عن الـ Files في الجافاسكربت وازاي بنتعامل معها وايه الـ Limitations الكتيرة حواليها وحوالين الـ Input[type=file].

حغطي الـ Best practices وايه الحاجات الي ممكن تقع فيها لو مش واخد بالك!

لينكات مفيدة:

• Input[type=file] | MDN
• URL.createObjectURL
• File | MDN
• Blob | MDN
• Dropzone.dev
• UploadThing
• Formwerk File Fields
• The problem with Drag and Drop API | Untyped.fm

في الحلقة دي بتكلم عن الـ Virtual Lists والـ Virtual Scrolling!

حنغطي تفاصيل مبدأ الـ Windowing وازاي ممكن تعمله بنفسك، وايه العقبات الي حتواجهك والافتراضات الي لازم تضعها علشان تقدر تعملها.

حنتكلم برضوا عن الـ Performance وازاي ممكن تحسنه او تضره، وايه عواقب التكنيك دا علي الـAccessibility وازاي ممكن تتحل.

لينكات مفيدة:

• Virtual Lists | Patterns.dev
• Vue Talks #6
• TanStack Virtual
• useVirtualList | VueUse

في الحلقة دي بكمل كلام عن الـ Date fields وبالاخص جزء الـ. UI وبعضاً من الـ UX وازاي تعمل Research لحاجة زي كدا وايه المراجع الي المفروض ترجعلها.

برضو بتكلم عن ازاي خاصية بسيطة زي قيم Min و Max للـ Field ممكن تؤذي تجربة المستخدم لو مش معمول حساب الحالات الجانبية.

لينكات مفيدة:

• Input date | MDN
• useDateField | React Aria
• Date fields | Formwerk
• Calendars | Formwerk

في الحلقة دي حتكلم عن رحلتي في بناء Custom Date Fields اثناء شغلي علي Formwerk.

حتكلم عن المشاكل الحالية في الـ Date Object ودعم التقويمات المختلفة زي التقويم الهجري وبرضو ا فروق التوقيتات والأهم في كل دا وهو ازاي نخزن قيمة تاريخ وازاي غرضك من التاريخ يفرق كتير في ازاي انت بتخزنه.

لينكات مفيدة:

• Standard Date Object | MDN
• The Problem with Time & Timezones - Computerphile
• Temporal API | MDN
• JavaScript Temporal is coming
• Time keeping with Temporals | Untyped
• @internationalized/date

في حلقة النهارده هنتكلم عن موضوع مهم في تطوير الويب، وهو الـ "Monorepo". ببساطة، المونوريپو هو مكان واحد بنحط فيه مشاريع كتير بتاعتنا، بدل ما كل مشروع يبقى له Repository خاص بيه. يعني بدل ما يبقى عندك كذا "بيت" للمشاريع، كلهم بيبقوا في "بيت العيلة".

طيب، ليه نعمل كده؟ فيه فوايد كتير. أول حاجة، الكود بيتشارك بسهولة بين المشاريع المختلفة. لو عندك Component كويس، تقدر تستخدمه في أكتر من مشروع من غير ما تكرره. تاني حاجة، إدارة الـ Dependencies بتبقى أسهل بكتير، ومشاكلها أقل. كمان، التغييرات اللي بنعملها في الكود بتبقى متناسقة بين كل المشاريع، وده بيقلل المشاكل. ده غير إن الشغل بيبقى أسرع، والتيم بيقدر يشتغل مع بعض بشكل أحسن.

لكن، زي أي حاجة، المونوريپو له تحدياته. مهم برضو نختار الأدوات المناسبة، زي Nx أو Turborepo أو pnpm workspaces، كل أداة ليها مميزاتها.

في الحلقة دي، هنشرح كل ده بالتفصيل، وهنعرف إمتى نستخدم المونوريپو وإمتى لأ!

لينكات مفيدة:

• Nx
• Turborepo
• pnpm workspaces
• Lerna