Viðmælendur Hjörvars Ágústssonar að þessu sinni eru þau heiðurshjón Hinrik Bragason og Hulda Gústafsdóttir afreksknapar, hrossaræktendur, útflutningsaðilar og fleira og fleira. Í þættinum fáum við að kynnast þeim betur og fræðast um þeirra vegferð í hestamennskunni. Þau koma úr sitthvorri áttinni inn í hestamennskuna, Hinrik er úr stórri hestafjölskyldu en Hulda laðaðist að hestum þrátt fyrir að foreldrar hennar hafi ekki verið í hestamennsku. Margar skemmtilegar sögur, sigrar og töp eru rifjuð upp í þessu fróðlega og skemmtilega spjalli.