Title - Us raah per

By  @AshokSawhnySahil. 

#ashoksawhnysahil #urdupoetry #shayari

Us raah per kya chalna jis ki manzil na ho

Us zakhm se kya waasta jo mundamil na ho

Ghair haaziri men tanqeed raaegaan be shak

Ilzaam us per kyon kar jo muqaabil na ho

Khushiyon men hon hangaame yeh fitrat insan ki

Per humraahi kya jo gham men shaamil na ho

Tu bata naaseh us lamhe ka kya karen

Naam fana ho jis ka aur mustaqbil na ho

Be hiss nahin laazim hai khayal haya ka

Phir baat uski kya sunen jo muzammil na ho

Jo dard na samjhe us be dardi ka zikr kya

‘Sahil’, humsafar woh kya jo hum dil na ho

Website : www.ashoksawhny.com

Youtube https://www.youtube.com/c/ashoksawhnysahil

Instagram: https://www.instagram.com/ashoksawhnysahil/

Facebook : https://www.facebook.com/ashoksawhnypoet

Spotify: Ashok Sawhny Poetry of Life ( English)

https://open.spotify.com/show/1ZtQWYG5RUVHrLGQ5IyvZV

Ashok Sawhny, Dastan -e- Zindagi ( Urdu )

https://open.spotify.com/show/3BoBLzORJi4KqOI2F3IFhi