ខណៈ​ដែល​មាន​ការ​រិះគន់​ពី​មហាជន​ចំពោះ​ការ​ចុះ​ចាប់ខ្លួន​ជនសង្ស័យ​ពាក់​ព័ន្ធ​នឹងគ្រឿង​ញៀន​នៅពេល​ថ្មី​ៗ​នេះ។ មន្រ្តី​ជាន់​ខ្ពស់​ខាង​តុលាការ និង​មន្ត្រីកង​កម្លាំង​ប្រដាប់​អាវុធបានបើក​កិច្ចប្រជុំ​មួយ​នៅថ្ងៃ​អង្គារនេះ។ ​នាយឧត្តម​សេនីយ៍ ម៉ក់ ជីតូ អគ្គ​ស្នងការរងនគរបា​លជាតិ ទទួល​បន្ទុកខាងប្រឆាំ​ងគ្រឿងញៀន​បាន​គូសបញ្ជាក់ថា ចាប់ពេលនេះតទៅ រាល់​​ការ​ចុះ​បង្ក្រាបគ្រឿងញៀន ​គឺសមត្ថកិច្ច​ត្រូវតែ​មានឯកសណ្ឋានត្រឹម​ត្រូវ ដើម្បីជៀសវាង​កុំឲ្យជនស៊ីវិល​ខិលខូចឆ្លៀតឱកាស​បន្លំចាប់ជំរិតទារប្រាក់ពីជនសង្ស័យ។