Uyanga's podcast

Иргэний нийгмийн байгууллагууд, ТББ-ууд бидний эрхийн төлөө хэрхэн яаж ажилладаг, ямар хүндрэл бэрхшээл тулгардаг талаар энэ удаагийн дугаараар хүргэж байна.

Бодлогын түвшинд ажилладаг "Бодлогод Залуусын Хяналт ТББ" болон хүчирхийлэлд өртсөн хүүхдүүдэд тусламж үйлчилгээ үзүүлдэг "Хөөрхөн Зүрх ТББ"-ын төлөөлөлтэй ярилцлаа.

Подкастын зочин:  

Н.Амарсанаа    Гэр бүл судлаач

М.Батхишиг  ЖҮХ-ны Ажлын албаны эрэгтэйчүүдийн хөгжлийн асуудал хариуцсан

"Шийдвэр гаргах түвшин дэх эмэгтэйчүүдийн оролцооны талаар олон нийтийн төсөөлөл " судалгааны багийн ахлагч, доктор С.Түмэндэлгэр

ЕБС-д зөвхөн охидыг эцэг эх болон өөрсдөөс нь зөвшөөрөл авалгүйгээр сургуулийн орчинд охидын үзлэгт хамруулах нь хүний эрхийн зөрчил юм. Учир нь эмнэлгийн бус орчинд, тухайн хүний зөвшөөрөлгүйгээр, мөн эрүүл мэндтэй холбоотой нууцыг нь хадгалдаггүй, зөвхөн хүнтэй унтсан эсэх, жирэмсэн эсэхийг л шалгадаг гэх мэт олон асуудал байна. Мөн хүчирхийлэлд өртсөн охидын хувьд хүчээр өөрийнх нь зөвшөөрөлгүйгээр охидын үзлэгт хамруулах нь сэтгэлзүйн хувьд маш хүнд тусдаг байна. Тиймээс охидын үзлэгээр хүчирхийлэлд өртсөн эсэхийг илрүүлэх биш эрүүл мэнд, бэлгийн боловсролын хичээлийн чанарыг сайжруулах, мөн эрэгтэй, эмэгтэй сурагчдыг эмнэлгийн орчинд эцэг, эх  болон өөрсдийнх нь зөвшөөрөлтэйгөөр эрүүл мэндийн үзлэгт хамруулдаг, эрүүл мэндийн нууцыг чандлан хадгалдаг байх нь зүйтэй.

Подкастын зочин: Ц.Анудалай  Гүнж төвийн сайн дурын ажилтан, 2-р курсийн оюутан

Эмэгтэйчүүдийн баяр гээд хэн нэгнээс бэлэг авах биш тусламж хэрэгтэй байгаа эмэгтэйчүүддээ туслах, эмэгтэйчүүдэд тулгамдаж байгаа асуудлын талаар дуугардаг байгаасай гэж хүсдэг. Тиймээс өөрийнхөө хэмжээнд  Эмэгтэйчүүдийн эрхийг хамгаалах өдрийг тохиолдуулаан төрөлхийн гар хурууны дутуу хөгжилтэй төрсөн охиныхоо төлөө хичээж байгаа О.Отгонжаргалд туслахыг хүссэн юм. Ирээдүйд охиноо сүмбэн биш юм аа гэхэд энгийн зүйлсийг өөрөө саадгүй хийж болохоор 10 хуруутай болгох түүний зорилго. Охины хагалгааны зардалд 80 сая төгрөг шаардлагатай бөгөөд гэрээрээ гоё чимэглэл хийж борлуулаад хагалгааны төлбөрөө олохоор хичээж байгаан байна. Та бүхэнд энэ мундаг ээжид туслахыг хүсвэл хийсэн бүтээлээс нь худалдан авч дэмжээрэй.   Мөн шууд мөнгөн хандив өгөхийг хүсвэл 5005937316 Хаан банкны Оргоо Отгонжаргал гэсэн өөрийнх нь данс руу хандивлах боломжтой. Хэрвээ биечлэн холбогдохыг хүсвэл 89162013 утас руу нь холбогдоорой.

23 настай Б.Халиун Улаанбаатараас Булган аймгийн Хялганат тосгон руу нүүж, ЕБС-д сэтгэл зүйчээр ажиллаж байна. Тэрээр 2021 оны 9-р сараас Хялганат тосгоны сургуульд сэтгэл зүйчээр ажиллаж эхэлсэн. Зөвхөн Улаанбаатарт гэлтгүй орон нутагт хүртэл сэтгэл зүйчийн хэрэгцээ маааш их байна гэсэн шүү. Б.Халиун маань өнгөрсөн оны 10-12 сарын хооронд сурагчдад ганцаарчилсан зөвлөгөөг нийт 55 удаа өгчээ. Харин бүлгийн зөвлөгөө, сургалт, ганцаарчилсан зөвлөгөө нийт 150 гаруй  удаа өгчээ. Тухайн сурагч хувийн нууцаа зөвхөн сэтгэл зүйчдээ л хэлдэг учраас асуудал нь шийдэгдвэл хэрхэн эерэг өөрчлөлт гарч байгааг нь бусад хүмүүс мэдэхгүй ч сэтгэл зүйчийн хувьд хүүхдийн бүх зүйл нүдэнд нь тод харагддаг гэлээ.

Цар тахлын нөлөөгөөр ганц бие хүмүүс хосоо олно гэдэг нэг төрлийн сорилт болоод байгаа билээ хээх.  Ойр ойрхон хөл хорионд орох, халдварын эрсдэл гэх мэт шалтгаанаас болж заяаны ханиа зам дээрээс олох боломж бараг л үгүй болсон гэхэд хэтрүүлсэн болохгүй байх.  Тиймээс цар тахлын үед хэрхэн хосоо олох вэ? Цахимаар хэн нэгэнтэй танилцахдаа юун дээр анхаарах вэ? Цахимаар эхлүүлсэн харилцаа урт хугацаанд үргэлжлэх боломжтой юу? зэрэг цар тахал, цахим, болзоо гэсэн сэдвийг тал талаас нь л ярилаа.  

Подкастын зочин:  

Б.Баярцэнгэл     сэтгэл судлаач  

Э.Тэргэл         "Gen Z" үеийн төлөөлөл

Ажилладаг газрын чинь дарга тантай секс хийх хүсэлтэйгээ илэрхийлж, уулзаж учрахыг тулгаж, зөвшөөрөхгүй бол ажлаар дарамтлах арай зөөлнөөр хэлбэл хөх, өгзөг, гуя илэх гэх мэтээр эвгүй үйлдэл гаргаж байсан уу? Ийм тохиолдолд тухайн хүнд хуулийн хүрээнд хариуцлага тооцох боломж манай улсад бий юу? Ажлын байрны бэлгийн дарамттай холбоотой асуудлаар хамгийн баттай эх сурвалжуудыг урьж, подкастынхаа ээлжит дугаарыг бэлтгэлээ.   - С.Дондов   Иргэнд Туслах Хүний Эрхийн төвийн захирал, өмгөөлөгч  - Б.Алтанчимэг  Нөхөн Үржихүйн Эрүүл Мэнд ТББ-уудын Үндэсний сүлжээний зохицуулагч  - Ц.Мөнх-Оргил     УИХ-ын гишүүн, Хөдөлмөрийн тухай хуулийн шинэчилсэн найруулгын төслийн ажлын хэсгийн ахлагч

Хүүхдээ хүчирхийллийн эсрэг ҮГҮЙ гэж хэлдэг хүн болгож өсгөхийн тулд уншиж байгаа номын агуулгаас эхлэх хэрэгтэй. Хүчирхийллийг өөгшүүлсэн хандлагатай, ялгаатай байдлыг буруутгасан агуулгатай ном бол эргээд л хүчирхийллийг тоодоггүй, хүчирхийлэл үйлдэгдэж байгааг анзаарах мэдрэмжгүй хүнийг бий болгоно гэсэн үг. Тиймээс боловсролын салбарт яагаад жендэрийн мэдрэмжтэй агуулгатай бодлого, ном, сурах бичиг хэрэгтэй талаар подкастын энэ дугаараас сонсоно уу.

Бэлгийн хүчирхийллийн суурь шалтгаан нь хүчирхийллийн талаар ойлголтгүй, хүчирхийллийн талаар тоглоом тохуу хийж ярих зэрэг хүмүүсийн буруу ташаа хандлага юм. Харин хүүхдээ ирээдүйд хүчирхийллийг өөгшүүлдэггүй, зөв хүн болгон төлөвшүүлэх вэ гэдэг том асуудал билээ. Тиймээс жендэр, хүний эрхийн чиглэлээр ажилладаг туршлагатай хүнийг подкастын зочноор ярьж, энэ талаар ярилцлаа.