Think and Grow Rich – From My Perspective, Dristy Tiwari
"Yeh sirf paise kamane wali kitab nahi hai… yeh soch, junoon, aur apne upar bharosa rakhne wali kitab hai."
1. Desire – Sab kuch yahin se shuru hota hai
Agar tumhare sapne mein aag hai na… toh duniya us aag se roshan hone lagti hai. Napoleon Hill kehte hain – “Weak desire brings weak results.”
Mere liye desire matlab:
“Chahe duniya roke, par main nahi rukungi.”
2. Faith – Khud par yakeen sabse badi taakat hai
Jab maine apni journey start ki thi, logon ne doubt kiya… par maine apne aap pe vishwas rakha. Hill kehte hain – “Faith is the head chemist of the mind.”
Jab tak khud par yakeen hai, har mushkil chhoti lagti hai.
"Agar khud par bharosa hai, toh har impossible possible hai."
3. Auto-Suggestion – Apne dimaag ko sikhana padta hai
Hill bolte hain: Apne goals ko baar-baar bolo, likho, imagine karo. Jab tak tumhara dimaag unhe sach nahi maan leta.
Mujhe laga tha yeh filmy hai, par jab maine kiya – result mila!
"Main successful hoon. Main grow kar rahi hoon. Main deserve karti hoon." — Yeh daily affirmations meri power ban gayi.
4. Specialized Knowledge – Knowledge sab kuch nahi hota, sahi knowledge sab kuch hota hai
Bookish gyaan important hai, but real growth aati hai jab tum action lete ho. Mujhe painting, storytelling, vlog banana aata hai – toh main wahi use karti hoon.
"Apni skill ko hero bana do."
5. Mastermind Group – Akela koi bhi nahi jeet sakta
Hill bolte hain: Surround yourself with powerful minds. Mere liye meri team, meri dost, aur mere viewers hi meri mastermind hai.
"Jo sapne tumhare hain, unhe sach karne ke liye, sahi log chahiye."
6. Persistence – Haar maan lena sabse bada crime hai
Failure aayega… log hasege… par rukna nahi.
Napoleon Hill bolte hain: “Winners never quit, and quitters never win.”
"Main girungi, par har baar uthungi."
7. Imagination – Jo dikh sakta hai, woh ban sakta hai
Mere vlogs, mere ideas, meri duniya imagination se shuru hoti hai. Hill kehte hain – imagination is the workshop of the mind.
"Sapne dekhne se mat daro, unhe sach karne se daro mat.
Final Thought from DristyTiwari:
“Think and Grow Rich” ne mujhe sikhaya – paise sirf ek result hai. Asli investment apne dimaag, apne passion aur apne vision mein hoti hai. Jab tumhara 'kyun' strong ho jaata hai, 'kaise' apne aap mil jaata hai.”
