Nan epizòd sa, nou reflechi sou vyolans, espesyalman ak yon linèt jennda. Nou kòmante aktyalite a, epi analize kèk zèv mizikal ak sinema epi kite pou ou kèk sijesyon kontni nan fen an.
Epizòd sa pa t fasil, men nou te pran anpil plezi prepare l. Nou espere w ap renmen l.
Men referans kèk nan sijesyon kontni nou fè nan fen an.
Nou ankouraje w dekouvri e suiv Gaelle Bien-Aimé, yon feminis ayisyèn ki toujou pote kontni orijinal, amizan e ki fè w wè kèk bagay yon lòt jan. Sou Twitter n ap jwenn li sou non @Gaelleactrice, men li sou lòt platfòm tou.
Gen yon liv referans pou tout moun ki enterese konprann vyolans lakay fanm, yon fenomèn nou manke etidye e konprann. Liv la se "Penser la violence des femmes", se Coline Cardi ak Geneviève Pruvost ki dirije l. Li soti an 2017 nan edisyon La Découverte. Yves-Marie te pale de yon pòdkas tou sou sijè a: SISTAS WHO KILL, A TRUE CRIME PODCAST, li sou Spotify.
Nou te envite w dekouvri seri sa yo tou:
SILO (Apple tv+)
La Reine Charlotte : Un chapitre Bridgerton (Netflix)
Love and Death (HBO Max)
La Diplomate (Netflix)
Nou envite w dekouvri tou nouvo albòm mizik ZAFEM nan: LAS.
Pou rapò EMMUS VI la, ke nou site anpil pou done sou Ayiti yo, ou ka konsilte dokiman konplè a la, espesyalman paj 389-413: https://www.dhsprogram.com/pubs/pdf/FR326/FR326.pdf
Sonje ankouraje zanmi w koute podcast la pou ankouraje nou. Randevou 25 me 2023, jou jedi, pou yon pwochen epizòd.
