Ukioq 2019 nunat inoqqaavisa oqaasiinut tunngatillugu, Naalagaaffiit peqatigiit ukiorititaraat.

Isumaqarpugut oqaatsit pillugit tusagassiat ilaatigut iluaqutaangaarnatik avissaartuutsitsinerusinnaasartut. Aalajangerpugullu sammivik alla atorlugu oqaatsit samminiarlugit.

Una immikkoortoq immikkoortut pingasuusut pingajoraat, uanilu paasiniassavarput kalaallit oqaasii nunatta avataani arlaatigut atorneqarsinnaallutillu iluaqutaasinnaanersut.

Vivi Nuummiooruloorpoq, ukiorpassuanngortunili nunatta avataani najugaqarsimalluni - Ottawami Canadamiittumi uinilu maanna najugaqarpoq – Nuummiinneranili oqaloqatigaarput.

Vivi nunatta avataani najugaqarnikooriarmat, aperaarput ilumut oqaatsivut nunatta avataani arlaatigut iluaqutaasinnaannginnersut, sammisarlu oqaatsivullu pillugit nammineq qanoq misigisaqarnikuunersoq.