Di encama êrîşên rejîma Îranê de li ser Herêma Kurdistanê, ev bûye nêzîkî mehekê ku dibistan û zanîngeh li Herêmê hatine girtin. Vê yekê ziyaneke berçav li prosesa xwendinê kiriye.

Ligel berdewamîya operasyonên Amerîka û Îsraîlê dijî rejîma Îranê, Kurdên Rojava hêvî dikin ku ev yek bibe sedema guhertinên erênî ji bo mafên Kurdên Rojhilat.

Li Muzexaneya Niştimanî ya Hunerên Asyayî li Washington ahengeke Newrozê ya pir-çandî hate lidarxistin. Kurd jî beşdarî vê ahengê bûn.

Li vê dema ku ji destpêka şerê Îranê ve çend mûşekên rejîma Îranê ber bi Tirkîyê ve hatine avêtin, çavdêr dibêjin ku şopandina medyaya Tirkîyê ya şerê Îranê yekalî ye.

Robotek Mêvana Xanima Yekem e li Koşka Spî

Figure 3 roboteke Amerîkî ye ku bi zîrekîya çêkirî hatiye çêkirin û dikare mîna mirovan bimeşe, biaxive û biryaran bide. Roja Çarşemê, wê xanima yekem bir civîneke navneteweyî li ser perwerdehiyê di serdema teknolojiyê û zîrekîya çêkirî de.

Piştî dora heşt mehan ji peywendîya evîndarîyê, leşkera Amerîkî Ester Henriquez di roja Newrozê de ligel Hesen Alpkan ê ji Bakurê Kurdistanê hevjînîya xwe ragihand. Di ahenga hevjînîyê de hejmareke leşkerên Amerîkayî beşdar bûn.

Li Amedê çend partî û pêkhetayên Kurdistanî bi daxuyanîyeke hevbeş êrîşên Îranê li ser Herêma Kurdistanê şermezar kir. Lê ji ber bilindkirina alên Kurdistanê, polîsan nehişt ku çalakî heta dawî berdewam bike.

Merasîma şîna şeş Pêşmergeyên ku di êrîşa mûşekî ya Îranê de li Soranê jiyana xwe ji dest dan, hat lidarxistin. Karbidestên Hikûmeta Herêma Kurdistanê dibêjin ku ew bi Îranê re axivîne û wê gotîye ku êrîş bi şaşî bûye, lê Îranê bi fermî ev yek ranegihandîye.

Li gor rojnameya New York Times, Amerîkayê ji bo bidawîanîna şerê dijî Îranê planeke ji 15 xalan pêşkêşî Îranê kiriye. Tê ragihandin ku ev 15 xal bi rêya Pakistanê radestî Îranê bûne.

Êrîşên Îranê li ser Herêma Kurdistana ji alîyê Kurdên Tirkîyê ve tên şermezarkirin. Kurdên Tirkîyê bang li Amerîkayê dikin ku Herêma Kurdistanê biparêze.