Komîteya Karûbarên Derve ya Civata Nûneran ya Kongresa Amerîkayê rûniştineke guhdarîkirinê li ser Sûrîyê lidar xist.

Di civînê de mijara Kurdên Rojava bi berfirehî hate gotûbêjkirin.

Îro şandeke hikûmeta demkî ya Sûrîyê zevîyên niftê yên Rimêlanê ji Hêzên Sûrîya Demokratîk(HSD) wergirtin. Rojnamevan Emced Kurdo li wir bû û ev agahî ji Dengê Amerîka re ragihandin.

Ev bêhtirî hefteyekê ye ku Hêzên Sûrîya Demokratîk(HSD) û Hikûmeta Demkî ya Sûrîyê agirbestek ragihandine û rêkeftinek îmze kirine, lê rûniştvanên herêmên Kurdî hîn jî di nav dorpêçkirinekê de dijîn. Parêzer Abdullah Îmam vê dorpêçkirinê ji alîyê yasayî ve dinirxîne.

Parêzer Îmran Mansûr behsa rola Fransayê di krîza Sûrîyê de dike, bi taybet helwesta Parîsê hember Kurdên Rojava.

Hikûmeta demkî ya Sûrîyê û Hêzên Sûrîya Demokratîk 30ê Çileyê rêkeftinek îmze kiribû. Tirsa welatîyên Rojava ew bû ku rewşa aloztir bibe. Gelo niha niha piştî rêkftinê çi ye? Rojnamevan Zana Omer behsa rewşa Qamişloyê dike.

Projeyasaya Parastina Kurdan hate ber Senatoyê. prosesa derbaskirina wê di Kongresê de çi ye?

Li bajarê Kobanîyê ku bi deh hezaran kesên derbider di encama şerê vê dawîyê de lê bicih bûne, krîzeke mirov peyda bûye.

Şêwekarê kurd Luqman Ehmed ku li Berşelonayê dimîne, dibêje ewê di çend rojên pêş de pêşangehekê li Almanyayê li dar bixe û hemî dahata wê ji sivîlên dorpêçkirî yên Rojava re bişîne.

Nûneratîya Dezgeha Xêrxwazî ya Barzanî( BCF) li devera Washingtonê dest bi helmeteke komkirina alîkarîyan ji bo Rojava kiriye û nûnera wê Xunav Emîn dibêje ew dê li gelek wîlayet û bajarên Amerîkayê bigerin. Hin rêxistinên din jî li Amerîkayê ev cûre helmet dane destpêkirin.

Mêhvan Berwarî behsa alîkaiyên ji Herêma Kurdistanê bo Rojava dike û dibêje, bûyerên li Rojava bûn sedema helwestek Kurdî niştîmanî seranserî.