Bi hezaran Amerîkî roja Yekşemê li Washingtona paytext ji bo "Nûterxankirina 250" ya dua, pesindan û spasdarîyê kom bûn, ku destpêka fermî ya pîrozbahîyên salvegera 250emîn a serxwebûna Amerîkayê, ku di 4ê Tîrmehê de ye, nîşan dide.

Cotkarên li Sûrîye û Rojava bihayê kirîna gênim ku ji hêla Hikûmeta Demkî ya Sûrîyê ve hatiye destnîşankirin red dikin, û dibêjin ew nirx lêçûnên hilberînê nagire nav xwe û dê zirarên mezin bigihêjin wan.

Li Stenbolê ji hêla Weqfa Guneştekîn û Weqfa Îsmaîl Beşîkçî ve ji bo Îsmaîl Beşîkçî Şeva Wefadarîyê hate lidarxistin. Beşîkçî jî bi rêya online tevlî amadeyan bû û ew spas kirin.

Li Rojava nîqaşên germ li ser siberoja Yekîneyên Parastina Jinê (YPJ) derketine pêş. Piştî salan ji şerê li dijî Daişê, pêşniyarên ji bo guhertina statûya van yekîneyan bo hêzeke polîsî, rastî nerazîbûneke saziyên jinan tê. Gelo ev hêza serbazî ya jinan wê çawa rûbirûyî van guherînên siyasî bibe?

Xelkê Hewramanê salane bîranîna Mîr Mehmûd Xanî Dizlî li gundê Hêlanpê yê herêma Hewramanê vedijînin. Mîr Dizlî di şoreşa Şêx Mehmûd de beşdar bû û di sala 1946an de ji alîyê Îranê ve hate jehirkirin.

Li Kobanîyê jinan kombûnek lidar xist ji bo gotûbêjkirina çarenûsa xwe di siberoja Sûrîyê de, misogerkirina mafên xwe di destûrê de, û beşdarîya di sazîyên hikûmetê û karûbarên giştî de.

DEM Partîyê li bajarê Amedê xwepêşandanek organîze kir ku bi hezaran welatî tevlê bûn. Xwepêşanderan banga aştîya li Tirkîyê kir û daxwaz ji desthilatdaran kir ku hewlên aştîyê di pratîkê û yaseyê de jî pêk bînin.

Li bajarê Qamişlo piştî du salan ji tarîtîyê û rawestandina stasyonên elektrîkê ji ber êrîşên dironên Tirkîyê, bajar careke din ber bi ronahîyê ve diçe. Rêveberîya Elektrîkê dibêje piştî xebatên çakirin, demjimêrên hatina elektrîkê li gelek taxan zêde bûne.

Komek çalakvan û piştgirên rûxandina rejîma Îranê, di nav de jî Kurdên Îranî, li ber Kongrêsa Amerîkî li Washingtona paytext kom bûn û daxwaza demokrasî, federalîzm û pirrengîya Îranê kir.

Serokê Amerîkayê Donald Trump ragihand ku rêberê duwem ê rêxistina terorîst a Daişê li ser asta cîhanê li Nîjeryayê hate kuştin.

Vê nûçeyê û hinekên din di Bultena Rojê de bişopînin.