بژاردەیەک لە هەواڵەکانی ڕۆژ: ئێران دوو گەنجی کورد و دوو گەنجی عێراقی بە تۆمەتی ئاسایشی لەسێدارە دەدات لەگەڵ چەندین هەواڵی دیکەی پەیوەست بە ئەمەریکا و ئێران و بابەتەکانی دیکە لە سەرانسەری جیهان

غەزال مەولان پێشمەرگەی کۆمەڵەی زەحمەتکێشانی کوردستانە و چل ڕۆژ بەر لە ئێستا بەهۆی هێرشی درۆنی ئێرانەوە گیانی لەدەستدا، ئەمڕۆش هاورێکانی و بەشێک لە ڕۆشنبیرانی سلێمانی یادیان کردەوە.

لە زیادکردنێکی ئاشکرادا بەشێک لە پلیکانەکانی بورجی ئیڤل تاوەر بە بڕی زیاتر لە 450 هەزار دۆلار دەفرۆشرێت. بەشێکی تری پلیکانەکانیش لە ساڵی 2008 فرۆشراون.

بە گوێرەی هەندێک لە چاودێرانی سیاسی تورکیا لە بارەی چارەنووسی ڕژێمی ئێران لە دۆخێکی نادڵنیاییدایە و ئەنکەرەش نایەوێت ڕژێمی ئێران بەهێزتر بێت یان بڕوخێت. ئەوان پێیان وایە هەرچەندە تورکیا دژی شەڕە، بەڵام نایەوێت دژایەتی ئەمەریکا بکات.

دورزخوماتوو یەکێکە لەو شارۆچکانەی بووەتە جێی ململانێی نێوان پێکهاتەکان لەسەر داهاتووی، تورکمان داوای بە پارێزگاکردنی دەکات و کورد لەگەڵ گەڕانەوەیەتی بۆ سەر پارێزگای کەرکوک و پێکهاتەی عەرەبیش هەردوو داواکە ڕەتدەکەنەوە و لەگەڵ مانەوەی شارۆچکەکەن لەسەر پارێزگای سەڵاحەدین.

لە شاری کۆبانی، لایەنە سیاسییەکان خۆپیشاندانێکیان ئەنجامدا و نرخی نوێی کڕینی گەنم کە لەلایەن حکومەتی کاتی سوریاوە دیاریکرابوو ڕەتدەکەنەوە.

بازرگانانی هەرێمی کوردستان ترسیان هەیە ئەگەر ڕێگا چارەیەک بۆ ئەو دۆخەی لە گەرووی هورمز هاتووەتە ئاراوە بەهۆی هەڕەشەکانی ئێرانەوە، ئەوا ئەوە زیانی زۆر بەر کەرتی بازرگانی هەرێم دەگات و نرخی کاڵا هاوردەکراوەکان بەرز دەبنەوە.

حەوتەمین کاروانی ئاوارەکانی عەفرین کە پێکهاتووە لە زیاتر لە 1300 ماڵ دەگەڕێنەوە زێدی خۆیان، هەتا ئێستا 6223 ماڵی ئاوارەی عەفرین لە چوارچێوەی ڕێککەوتنێک لە نێوان حکومەتی کاتی سوریا و هێزەکانی هەسەدە گەڕاونەتەوە زێدی خۆیان.

بژاردەیەک لە هەواڵەکانی ڕۆژ: ئێران دوو گەنجی کورد و دوو گەنجی عێراقی بە تۆمەتی ئاسایشی لەسێدارە دەدات

لەگەڵ چەندین هەواڵی دیکەی پەیوەست بە ئەمەریکا و ئێران و بابەتەکانی دیکە لە سەرانسەری جیهان