ဘယ်အရာဖြစ်ဖြစ် ပြီးပြည့်စုံတဲ့ အကောင်းဆုံးရလဒ်ကိုသာ လိုချင်တာ၊ အမှားအယွင်းတွေ၊ လိုအပ်ချက်တွေကို လုံးဝ သည်းမခံ တတ်တာတွေကအမြင့်မားဆုံးအောင်မြင်မှုရယူလိုသူတွေရဲ့ စရိုက်လက္ခဏာတွေအဖြစ် ရှုမြင်ခံရပါတယ်။အရာရာမှာ စံနှုန်း မြင့် မြင့် ထားတက်တဲ့ ဒီလိုစိတ်သဘောထားဟာ  အကောင်းဖက်က ရှုမြင်ခံရမှုများပေမယ့် ဆိုးကျိုးတွေလည်း ရှိနေပါသေးတယ်။ အရာရာပြီးပြည့်စုံလိုစိတ်နဲ့ အကောင်းဆုံးဖန်တီးလိုစိတ်။ ဒီနှစ်မျိုးဟာ အတော်လေး နီးစပ်တူညီမှုရှိပေမယ့် သက်ရောက်မှု ကတော့ ကွာခြားပါတယ်။ ပြည့်စုံလိုစိတ်က ရလဒ်အပေါ် မူတည်ပြီး ဖန်တီးလိုစိတ်က လုပ်ဆောင်မှုအပေါ်မူတည်တဲ့အတွက် ရလဒ်တစ်ခု အပေါ် တုံ့ပြန်ပုံလည်းကွာခြားပါတယ်။ ရှုမြင်ပုံကွာခြားတဲ့အတွက် ပြီးပြည့်စုံလိုသူဟာ ဆုံးရှုံးမှုတစ်ခု ကြုံလာတဲ့ အခါ ပိုမိုဆိုးဝါး စွာနဲ့ ကြာရှည်စွာ ထိခိုက်ခံစားရလေ့ရှိပါတယ်။