hett mol een seggt, dat ick ’n „Querdinker“ weer. Dor heff ick mi bannig to

freut, ’n gröttered Kompliment kunn man mi meist ni moken.

düsse Doog overs as Querdinker beteekend ward, denn is dormit wat ganz anners

meent. Een vun de Demonstranten, de in Momang op de Strooten goht, is je op de

Idee kom‘, sick un sien Frünnen as Querdinkers to beteeken. Dor harr he overs

vörher mol bi Wikipedia oder so nokieken schullt, üm ruttofinnen, wat

querdinken eegentli heet, eher he dat scheune Woord kaputt mokt hett.

vun de Kritikers an de Corona-Regeln seggt ward, hett je gor nix mit Querdinken

to kriegen, sünnern blots mit „Dorgegen ween“. Ick heff je gor nix gegen Lüüd,

de gegen düt un dat sünd.

ward all, de gegen de Corona-Regeln sünd un dorgegen, dat anduuernd wat an’t

Parlament vörbi entscheed ward mit all de annern de gegen wat anners sünd, in

een Putt smeeten. De, de gegen de Regeerung sünd to’n Bispeel un de, de gegen

Utlänners sünd un dösiged Tüch vertellt, weil se in de School ni oppasst hebbt,

jüst so. Un all tosom fot‘ man nu mehr oder minner ünner „Querdinkers“ tosom.

Dat is ’n Frechheit! De schüllt uns dat Woord trüchgeeven.

schall man denn nu to de echten Querdinkers seggen? Dat fangt al bi König

Salomon in de Bibel an. De mit de beiden Fruunslüüd, de sick üm ’n Kind an

strieden weern. De König harr je ook ’n Indizienprozess ingang bringen kunnt,

de no dree Johr opwiest harr, wülk vun de beiden wohrschienli de Mudder weer.

Dör sien Vörslag dat Kind dörtosnieden un optodeeln, hett sick dat in twee

Minuten ohn‘ Ünnersöökungsutschuss opklort. Jo, Salomon harr den Bogen mit dat

Querdinken würkli rut!

dat Querdinken mööt wi uns nu anschiend ’n frisched Woord utklabüstern. Ick bün

nu al gespannt, wat wi in Tokunft to dat seggen ward, to dat wi fröher

Querdinken seggt hebbt.

is dat schodt üm dat Woord. Un jüst nu kunnen wi würkli ’n poor „echte“

Querdinkers bruuken... 

düssen Sinn