Et vergeet bal keen Dag, wou mir net iwwer de Krich an der Ukrain héieren, liesen, gesinn oder doriwwer schwätzen. An dee Krich mécht de Mënschen an der Europäescher Unioun nawell zolidd Suergen. D’EU-Bierger erwaarden och vun der Europäescher Unioun, datt se der Ukrain weider hëllefen a se ënnerstëtzen. Just wann et awer ëm Militärhëllef geet, da ginn d'Meenungen auserneen.