Ouni Bëtong geet um Bau meeschtens näischt. D’Mëschung aus Zement, Waasser a Gestengskäre gëtt fir Plaffongen, Maueren oder och Piliere benotzt. Et ass dacks e wichtegt Fundament. Mee Bëtong huet awer och en Nodeel. Bei der Produktioun vun deem Baumaterial gëtt vill klimaschiedlechen CO2 ausgestouss. D’Pebia Urban huet sech ugekuckt, wéi Bëtong iwwerhaapt entsteet.