Am Schnëtt hunn hei am Land all Dag 4 Persounen en Hiereschlag. En Aschnëtt an d’Liewen, dee laangfristeg Repercussioune kann hunn. Eng séier Prise en charge vu spezialiséiertem medezineschem Personal entscheet iwwer Liewen an Doud an och iwwert déi spéider Liewensqualitéit. Fir esou séier wéi méiglech kënnen ze hëllefen, gëtt et an alle Spideeler eng sougenannte Stroke Unit. Eng dovun ass am CHL. D’Paule Rodesch ass op der Plaz, fir mat der Neurologin Monique Reiff iwwert hir Aarbecht an där Unitéit ze schwätzen.