الأدوات التقنية انوجدت لحتى تساعدنا، ومش بس تزيد علينا مهام وتواصل احنا مش محتاجينه عنجد .. وبغض النظر إذا انتم طلاب، أو موظفين بشتغلوا من الـ ثمانية الصبح للخمسة العصر، أو فريلانسر بتقرري يومك كيف يكون .. انتو بحاجة تتعرفوا على بعض النماذج والأدوات للتعامل مع الديجيتال بطريقة صح .. وتقدروا توفقوا بين كل هذه المتطلبات، وفعلا تنجزوا .. بهذه البساطة تنجزوا.   وبالرغم من كل جلسات الزووم اللي ما بتنتهي ، أو قائمة المهام اللي بتخليكم تروحوا ع البيت ملحوقين بالشغل .. تقدروا تناموا دون شعور الخيبة وعدم الانتاجية!

ضيفنا اليوم بالعدد السادس من صوت التك - صار صاحب خبرة مع عدة شركات، وممكن نوصفه كانسان يسعى لتسخير التقنيات لمساعدته لينجز أكثر .. ويكون باله رايق، رغم كل الأطر اللي انخرط فيها. 

راح نسمع منه عن نصائح لترتيب المهام اليومية 

مهارات تقنية وتعامل صحيح مع التطبيقات

والساعة اللي بتتمنوا لو انها متوفرة خلال اليوم - بنتمنى تستغلوها لشغلات بتحبوها وبترفه عنكم . 

حديث مشوّق يستضيف من خلاله أنس أبو دعابس، ضيف العدد حسن أبو شعلة: مدير منتجات في شركة RiseUp، ومدير منتجات سابق في شركة ميكروسوفت العالمية، بالاضافة لكونه شريك مؤسس في جمعية حاسوب. 

لا تنسوا تفعيل زرّ الاشتراك الموجود في تطبيقكم لتصلكم حلقاتنا الأسبوعية مع الضيوف والمواضيع التقنية. 

لملاحظاتكم واقتراحاتكم: [email protected] 

صوت التك، بودكاست من انتاج "راديو الناس"، الناصرة.