De 27. Januar ass net nëmmen de Gebuertsdag vum Mozart mee och den internationale Gedenkdag un d’Opfer vum Holocaust. An der Philharmonie organiséieren d’Solistes Européens, Luxembourg dofir ee ganz passende Concert, mat ënnert anerem engem Rondo vum Mozart an “From Jewish Life” vum Ernest Bloch. Op der Bün steet en Cello-Piano-Duo, mam Alexander Hülshoff an dem Andreas Frölich.

D’Marie Schockmel huet sech e puer Deeg virum Concert mam Cellist ënnerhalen, ënnert anerem iwwert seng Erënnerunge vu sengem éischte Concert zu Lëtzebuerg virun e puer Joer, an d’Kenneléiere mam Pianist.