超人間諜爆料稱，世界上好多間諜，總有一個在你左近，仲有一種「索諜」，專門索料；何仁開記者會，交代政改成交過程，佢話報告不便公開接頭人全部無名，全部用中央、北京、領導人統稱，敬請原諒；壽司師父話八爪魚保羅其實唔識做波膽，全靠放料比佢。

大熱

長毛撐o靚模，因為她們掛人頭賣肉，夠老實；桂Sir旁述政改波，龍門最好朋友係門柱，政改最好朋友係(車太)，個個轉(車太)夠快，唔似煲呔咁做嘢唔夠快，手腳慢，冇效率；關公話鍾意就可忠義並存，所以湯大狀自己贊成，但都可以跟黨投反對票，至於白鴿黨乜都得，因為佢係新歡，宜家係蜜月期。

事後恐明話煲呔雖然照稿讀冇精句，但輸左場交贏左友誼，有粉絲或開腔或撰文支持；涼愛C成日解錯法律，因為一國兩制，一地兩(車太)，隨時轉(車太)；潮鮮o既鄭大晒教香港設計核設施，最緊要「蜜蜂」式管理。

林局長五年一度拍賣，隱藏底價點叫都未到，唔通又要收回？慢得拉教大家，去南非睇波唔想被劫，要扮當地人，等劫匪以為你都好窮；要醫治病態搗亂，棠歌叫同鄉會幫手，搞多些海鮮團。

譚娘民建議某大學改名政治中立大學；神探卡利略提大家，旅行時帶備醫生紙，被迫購物時可自保，話自己「長期荷包乾硬化」…郭老闆話要學港鐵加入人性元素，准員工遊蕩、講粗口、飲食。

周星爺話如果佢係富士蝦老闆，會剷平宿舍，引入跳樓機同跳高跳遠活動，防止跳樓事件；肥媽話中聯辦搞私房菜，應該搵佢煮，但就唔預建制派，因為自己人呷醋就得；咪老鼠叫鼠界朋友切忌濫藥（老鼠藥），避免行為失常大鬧中環。

唐唐解釋帶頭唔投票，因為市民最叻反面思考，會與政府呼籲對著幹；李超人恭喜家誠，買左地皮起獨立屋，以後鍾意點「跳樓」都得，仲可以有位俾神秘買家住；推銷員話入校宣傳係擾民式推銷手法，廣告又與商品內容不相稱，裙不合身都要穿，冇A都有B，唔通A型血唔夠，用B型代替？

陳鑑欖因為隔籬台先人問題去左問米，知道好多所謂意外原來唔係意外，而當年雖然唔止一個人死，但咁多人死唔見佢死；李超人解釋，拍賣唔舉牌係因為商人抗命。

大哥大洪師傅話世博入場人減，係因為冇武館，搞到十八銅人要落區；霍大班好事多為，點解都唔及賣菜婆，上唔到影響力百人榜？估裂治同包青天齊齊反「黑」，踢爆黑哨假屎波。