有啲人話審判是神的事，基督徒講愛就夠。但審判如果是真實的，你愛人，乜唔使叫人逃避審判咩？

大審判到終末才發生，對今世有乜意義、有乜啟發、有乜指引？有人現眼報，我地請小鳳姐出場，又有人話我地幸災樂禍無人性。但係之前咁多不公不義的事發生又唔見你出聲？呢個世界似乎真係有好多套倫理判斷的準則，包括基督徒群體之內。

有人話邊個得救、邊個失救，由神判斷，我地加把口就係論斷。邊個陰陰濕濕做埋啲陰質嘢，邊個自己的左手都唔知自己的右手行善積福，我地當然唔知。但唔好講到倫理原則都係陰陰濕濕、你估我唔到咁！上帝唔係陰濕的上帝，善惡原則仲係好清楚，基督徒是其是、非其非，將上帝公義法則向世人宣布，唔係都係福音的一部分咩？審判雖然是神的事，但基督徒從來不是道德相對主義者。今日，我地可唔可能掌握大審判的原則，以致我地可以清楚行事為人、明辨是非？

嘉賓主持：孫寶玲牧師、李均熊博士、雷競業牧師

華人教會好興培靈會上萬人齊齊培靈好奮興到底培靈會前後靈性有乜差別？常常需要培靈的靈，到底是強還是弱？培得靈多是否多啲神庇佑？

培靈會的流行跟華人教會的靈性傳統有乜關係？反映一種怎樣的屬靈觀？

時勢咁惡，在培靈會中還能否「同感一靈」？為咗使你「平平安安」離開培靈信息會否變成清補涼健脾除濕、養陰生津卻未能祛邪扶正？

咁又老老實實，來聽培靈會的人，係唔係只係諗住聽啲「好培靈」的信息，無諗過要被聖道翻天覆地先？如果大家都無諗過，咁其實講乜都無所謂。

培靈嘉賓：蒲錦昌牧師、陳韋安博士、陳恩明牧師

【守望香港祈禱會】2020年8月3日(星期一) 20:00-21:30香港教牧網絡主辦 辛福台同步直播

｜講員｜講題｜經文｜

朱耀明牧師：時代的呼喚，以勇敢回應(羅馬書1章16至17節)

馬保羅牧師：真愛勢不可擋，靠主得勝有餘(羅馬書8章35至39節)

「金銀我都沒有⋯⋯」你以為跟住有神蹟睇？傻啦，連神蹟都沒有！無金無銀，寸步難行。

疫情帶來經濟蕭條已對教會和機構帶來經濟壓力一時三刻仲可以食老本但老本食完、經濟仲未復甦，點算好？貧賤機構百事哀，幾時彈盡糧絕等執笠？

「嗱，你睇下人地幾靈活、幾識應變、轉型幾快，你學下佢地就有出路嘅嗱！」吹水佬成日咁教路，到底真係有路走，定係根本唔係路？你走到，又真係代表其他人都走到嗎？最壞嘅打算，可以有幾壞？可以點打算？

嘉賓主持：劉旭東先生、葉漢浩博士、梁榮光牧師

《合一：得的多，還失的多？》

他說合一，我說合一，到底分裂幾多？

他不想分，我不想分，但合一又如何？

合了什麼？分了什麼？中立又幾多？

得了什麼？失了什麼？可有認真算過？

何必呢？何必呢？可知一切他朝都會身外過？

得的多？還失的多？合咗一後終於都會分裂？

何必呢？何必呢？拋開一切束縛身心僵鎖。

且向心內，仔細追尋，找那屬靈嘅我。

嘉賓主持：洪小琪牧師、胡文傑先生、謝建邦先生

嘉賓主持：無名

昨夜星辰昨夜風，畫樓西畔桂堂東。身無綵鳳雙飛翼，心有靈犀一點通。隔坐送鈎春酒暖，分曹射覆蠟燈紅。嗟余聽鼓應官去，走馬蘭臺類斷蓬。

唔驚就有假，又話只影響一小撮人，宜家舉張白紙都可以兇你，要拉要鎖。維民所止，21世紀仲有文字獄，唔好再嗌「反清復明」啦，死得。

港警在Facebook展示所謂涉嫌違法的宣傳品，包括「良知」二字，以及阿摩司先知的名言：「惟願公平如大水滾滾，使公義如江河滔滔。」死囉，以後係唔係要講啲無良知的道？仲可唔可以講阿摩司書？仲有一大抽經文，好似都好敏感噃！啲弟兄姊妹信唔信得過架？

如何提升講道的「安全系數」？全部瞓晒唔緊要，閹割真理無所謂，最緊要無驚無險又講完一場道，咁就哈利路亞讚美主！

失常講員：馬保羅牧師、譚子舜牧師、陳恩明牧師

7月6日 20:00-21:30 公禱會(香港教牧網絡主辦 辛福台同步直播)講員：梁永善牧師講題：赤誠呼喊經文：哈巴谷書1章講員：羅慶才牧師講題：說話有時，靜默有時經文：阿摩司書5:13、傳道書3:7

一石激起千尺浪，同福事件引爆後，不少教牧人心惶惶，擔心同類事件會在自己教會出現。

然而，這群青年人只是來搞串個party嗎？抑或，他們對教會充滿許多的不解，對信仰充滿揮之不去的堅持？在「耶穌是主」的匾額下，他們只見教會處處自我審查劃紅線，為避免爭議而要求大家禁聲。他們祈求，卻空空如也；尋找，卻遍尋不獲；叩門，卻重門深鎖。在遭到連番冷對待後，才按捺不住呼天吶喊，希望叫醒裝睡的教會。

這不只是一個堂會的故事，這是對整個香港教會的質詢：到底當我們宣稱「耶穌是主」，代表甚麼？我們又準備為此付上甚麼代價？

他們不是搞事者，他們是守望者。而你，不要只顧當花生友。我們必須一起傾清楚，到底我們想要一個怎樣的信仰，一個怎樣的香港教會？

嘉賓主持：同福堂少年部請辭團隊代表、陳恩明牧師、羅秉祥教授

「2019年香港教會普查」顯示，

香港教會的崇拜人數

由2014年的305,147人

減至2019年的268,822人，

5年間少了36,325人，約12%。

並且數字滯後，

只反映雨傘運動的影響，

未及反映更嚴重的反送中運動所帶來的影響。

似乎，一股離教潮就在眼前。

香港教會從不缺乏佈道，

但前門大，後門也大，

這邊迎賓，那邊趕客。

並且已出現，

愈迎愈少、愈趕愈多的情況。

而且對年輕人信主

也愈來愈束手無策。

眼前幾年仍可維持一定局面，

但未來怎麼辦？

會有足夠的接班人嗎？

信主的人有不同的故事，

離教者同樣有不同的故事，

不能一概而論。

離教的原因很複雜，

不一定都是教會的錯，

但認真探尋離教的原因，

有則改過，無則加勉，

將有助教會做好牧養，反省信仰。

話說回頭，

我們真的不知道離教的原因嗎？

還是我們不願面對離教的原因呢？

國王被揭破沒穿衣服後，

顏面何存？

只好昂首挺胸繼續向前行⋯⋯

嘉賓主持：

梁勉予先生、

黃樂祈先生、

陳盈恩小姐、

盧智榮教師