心靈 Bitch Talk

要儲齊與12星座的戀愛經驗就未必個個做到，那到底有哪些星座我們會推介其實一生人真的可以試1次（或最少1次）呢？聽聽占星師Alice和塔羅師Anne的見解吧~

新一年新開始，好多人都會趁呢個機會，為自己制定新一年計劃同目標。無論你想設立 new year resolution 抑或向宇宙下訂單，點解過往有啲時候呢啲目標同願望都未能成真呢？可能係同你唔識 set 有效目標有關！今集就等 Anne 姐同 Alice 分享過往我哋實行過嘅許願方法（含用家點評），再講下點 set 目標先最容易實現啦！祝願大家新一年都會心想事成！

由2020年開始，世界換上新玩法；嚟到2022年尾，你哋仲頂得住嗎？一如過往幾年，2023年又係充滿變動嘅一年，無論政局、經濟或民生都繼續經歷前所未見嘅大改變。2023年會有咩挑戰？我哋又可以用點嘅心態去面對？就由Anne姐同Alice以塔羅同占星角度同大家分享下！我哋仲會講下12星座嘅運程分析添！（註：本集含金量超高）

很久不見，到底發生過甚麼事？

小休咗幾個月，我哋終於再relaunch個channel啦🙈 呢幾個月嚟 Anne姐同Alice呢兩個偽雙子（AKA 上升雙子）都踏出咗自己嘅comfort zone，做咗好多唔同嘢！邀請你陪我哋一齊回顧呢精彩嘅大半年~

近年Long D開始變得普及，無論係因工作學業而相隔不同國家，抑或因為COVID而令大家被逼隔離，好多人都可能無可奈何地嘗試過遠距離戀愛。雖然話科技發達，一個 facetime 就可以同對方即時聯繫，但都唔係個個頂得順呢種戀愛模式！曾經係Long D 過來人嘅 Anne 同 Alice 將會分享佢哋嘅經驗，同時分析下到底邊啲星座宜／不宜遠距離戀愛！

相信好多人都接觸過塔羅牌嚟問事業同戀愛。係咪好奇點解呢 78 張牌可以咁精準咁解答到你嘅疑問？Anne姐喺今集就會解答大家對塔羅牌嘅問題，話你聽呢副牌嘅歷史、運作原理、禁忌同其他實戰秘技！想知道更多學習塔羅牌嘅貼士，包括點樣睇牌可以睇得準啲，記得留意埋我哋嘅IG啦！

講起占星，可能你會諗起印度神童，令你覺得占星嘅世界真係好博大精深。今集Alice將詳細公開佢點樣踏上占星之路，介紹下呢門學問，分享學習心得，講下佢點睇呢門古老智慧對現代人所帶來嘅啟示。（P.S. 聽完如果有興趣，都歡迎上節目 IG 搵佢開盤呢！）

第五波疫情來襲，令很多人的生活和工作都方寸大亂，星相有否透露玄機？我們現時被逼適應 new normal，又會否有天可以 back to normal？在亂世下都可以絕處逢生，如果想過要開展副業的話，也許是時候把握機會，我們聽聽來自slashers的建議！

Netflix 大熱紀錄片《The Tinder Swindler》上映之後，知道大家都好關注網上交友嘅問題，但又老實講，無論係Tinder抑或CMB，呢啲工具都只係一個平台俾人識朋友。點先知道新相識可唔可靠，等Alice同Anne用占星塔羅嘅角度俾啲insights你啦！（留意：本集含大量《The Tinder Swindler》劇透！）

適逢情人節，Alice同Anne一齊bitch talk傾吓愛情，用占星同塔羅嘅角度講吓真命天子有乜嘢特質，唔好錯過大眾占卜嘅環節！另外我哋都會推介下一啲products，促進關係，令自己更愛自己。