బుర్ర నిండా ఏవో ఆలోచనలు

వాటితో నింపేస్తున్నా కాగితాలు

ప్రాసకోసం పాకులాటలో

కాగితం నిండా కొట్టివేతలు

నేనేం పెద్ద పండితున్ని కాదు 

గొప్ప గొప్ప పుస్తకాలు చదవలేదు

నాకు తెలిసిందల్లా మనుషులు వారి మనసులు

రాస్తాను వారానికో వర్గం చొప్పున కవితలు

ఎదురైన అనుభవాలే సాహిత్య పాఠాలు

కలిసిన వారందరూ గురువులు

దారిని చూపించే దివిటీలు నా కవితలు

చీకటిలో ఉన్న నాకు వెలుతురు

కవితా ప్రవాహం మొదలైంది

అది చాలా దూరం వెలుతుంది

వీలైతే వినండి

నచ్చితే ప్రోత్సహించండి

గుర్తింపు ఇంకా రాకున్నా

ఆగకుండా రాస్తూనే ఉన్నా

గెలుపొందినా ఓడిపోయినా 

నా కలం ఆపను ఇక పైన

రెండు పడవలపై ప్రయాణం

గమ్యం వైపు గమనం

సముద్రంపై అలల్లా 

ఎగిసిపడుతున్నాయి కలలు

కలమే వలగా ముందుకు కదిలా

నా మనసుని మలిచా ఒక నావలా

కాగితమనే తెరచాప తోడుగా

కళాసాగరాన తిరుగుతున్నా జాలరిలా

Please check out my YouTube channel:

www.youtube.com/c/NS360