YEN

كلامنا الجارح لبعض وهزارنا اللي ممكن يكون بالنسبة لينا عادي لكنه ممكن يسبب زعل او نوع من الحزن عند الشخص أصبح شئ عادي بل وترند كمان والشخص اللي مش بيتقبل الهزار ده بيبقى دمه تقيل كمان لكن هل ده فعلا هزار ده اللي هنتعرف عليه انهاردة مع اية ايمن في حلقتها بعنوان "بتر الخواطر"💜✨

فالوقت الحالي انتشرت فيديوهات لأشخاص مشهورين كتير و تصريحات وافكار اصبحت مُشتتة جدا للبنات واصبح من الصعب جدًا تحديد الصح من الخطأ بل بدأ الموضوع يتحول لحرب نفسية بين الرجالة والستات مع أن الموضوع والحياة ابسط من كده بكتير وانهاردة جاتلنا بيري وليد عشان تتكلم معانا بالتفصيل فأول حلقة من حلقات الموسم التالت .

وَأَن لَّيْسَ لِلْإِنسَانِ إِلَّا مَا سَعَىٰ

ولأن النهاية جزء من كل قصة خلاص وصلنا لنهاية قصة شقة الهرم جه الوقت أننا نعرف ايه الهيحصل لكل الشخصيات اللي حابناها طوال التلت اجزاء الفاتوا ولذلك كله يستعد عشان بيري وليد هتاخدكم في نهاية مرعبة لشقة الهرم .

كلنا سمعنا عن الإشاعات الكتير البتدور حولين ترافس سكوت الفترة اللي فاتت وظهور حملة كبيرة جدًا من الجمهور المصري بتطالب بإلغاء الحفلة وعشان كده جالتنا انهاردة آية ايمن عشان تتكلم معانا وتفهمنا الموضوع بالتفصيل وهنتعرف معاها مين هو ترافس سكوت .

الخوف هو طبيعة فكل الكائنات الحية بل كمان هو يعتبر الشئ اللي بيحطلنا حدود فكل حاجة بنعملها ولكن لأن كل حاجة لما بتزيد عن حدها بتبقى غلط فالخوف مخرجش عن القاعدة ديه ولما بيزيد بيبقى فوبيا والفوبيا ليها أنواع كتير وانهاردة مع فاطمة حسين هنتعرف على أغرب أنواع الفوبيا.

ولسه الرعب مكمل مع شقة الهرم بجزءها التالت وما قبل الأخير فكله يستعد انه يخوض التجربة اللي قربت انها تنتهي مع بيري وليد ويشوف ايه الحصل بعد أحداث الجزء التاني .

رجعتلنا ملك بحلقة جديدة وشخصية جديدة معادنا انهاردة مع لدڤيج ڤان بيتهوفين الموسيقار العظيم اللي قصته هتلهم كل واحد مننا أنه لازم يبقى عندنا أمل وشغف أننا نسعى ونكمل في الشئ البنحبه .

كتير مننا سمع كلمة العوالم المتوازية أو المالتيفرس وبنشوفها حاليًا كتير اوي فالأفلام بل فيه ناس مننا بيستخدموها حتى فالهزار في عالم موازي انا معملتش حلقة فعالم موازي مفيش YEN اصلًا بس هل عُمرنا فكرنا ايه بداية النظرية ديه اصلا ده بقى اللي هنعرفه انهاردة مع محمد مسعد وهو بياخدنا في رحلة داخل العالم المتوازية .