一分鐘台語好上台

By 後山人

台語慢慢學

能力厚厚疊

機會總愛來

It’s show time!

Hosting provided by SoundOn... more

FAQs about 一分鐘台語好上台:

How many episodes does 一分鐘台語好上台 have?

The podcast currently has 35 episodes available.

一分鐘台語好上台 episodes:

August 12, 2025 第二十五篇河伯看海(望洋興嘆)

風颱來，雨水親像對天頂一桶一桶倒落來，山頂塗水大大港流落溪流，幾百條的溪流向黃河，塗水親像千軍萬馬將幾若尺粗的樹箍搧甲遨遨輾，大粒石頭予水流甲lok lok的聲又閣急又閣響，溪河中幾若十甲闊的沙埔一下就沖散去，連幾若噸重的岩石嘛予水趕甲無看影，河面漲闊幾十里遠，對河邊看對對岸茫茫渺渺分袂清楚岸頂是牛抑是馬。

河伯非常奢颺：這款壯觀的景緻實在了不起，我的腹腸會容得天下所有所有的水啊！我欲沿路來去欣賞，來去接受世間萬物崇拜。

伊順水流向東愈看愈得意，河水最後流入北海，看對遠遠去無邊無盡的海親像佮天相敆根本看無水的盡尾。

河伯愣去，紲落見笑對大海講：「大鼎未滾細鼎沖沖滾，有影是天外有天」

--
Hosting provided by SoundOn
...more
2min
August 09, 2025 第二十四篇無用之用

莊子佮學生行入山欲揣朋友，看著一个剉樹的行過溪邊一欉懸大的樹仔，葉仔茂茂茂。莊子問伊：這欉樹仔樹箍遮粗，樹身遮懸，是按怎你無欲剉咧？

剉樹的向大樹瞭一下：無啥奇怪啦！這款樹木無路用：做船會沉；做棺材快爛；做家私器具隨漚，做柱仔厚蛀龜，就是無半項會做得，無人愛用，所致有通佇這溪仔墘活幾若千年。

來到朋友兜，主人隨叫人刣鵝欲相請，閣吩咐下跤手人：著刣彼隻袂曉叫的喔，彼隻會叫的愛留咧顧厝。

學生憢疑問莊子：樹無用處活幾千年，鵝無用處煞快死，這有啥物標準咧？

有用處抑是無用處是無一定的標準，順其自然，毋通有淡薄仔能力就傷過頭奢颺，做人就是愛堅持培養家己的能力。

--
Hosting provided by SoundOn
...more
2min
August 05, 2025 第二十三篇鵷雛uan-tshu搶死鳥鼠？

鵷雛uan-tshu搶死鳥鼠？

莊子心適性想欲去拜訪好朋友惠施，惠施彼時是梁國宰相。

有人就共伊搧大耳：莊子來梁國敢會是欲來搶你的相位。

惠施心內想：我真無簡單才有今仔日的官位，這箍莊子名聲透京城，伊若來梁國恐驚有伊就無我囉！

隨派人揣三暝三日欲共擋。

哪知莊子猶是出現佇相府對惠施講：“你有聽過鵷雛這款巨鳥無？伊展翅一飛就從南海飛到北海，心性非常尊貴。有一隻貓頭鳥當咧食生蟲的死鳥鼠，拄好聽著鵷雛擛翼的聲，隨規身霸牢死鳥鼠驚人搶。莊子那講那繩tsîn惠施：啊，大人你敢是咧驚我搶咧？”

人各有志，名佮利有人看做是好寶；有人看做是生蟲的死鳥鼠。

--
Hosting provided by SoundOn
...more
2min
August 03, 2025 第二十二篇自由之龜

自由之龜

楚王想欲倩莊子入宮講道，兩位使者看見當咧釣魚的莊子。

吾王久聞先生賢名，相欲請先生入宮參詳國家大事。向望先生答應為大王分憂，為百姓謀利。

莊子講：我聽講楚國有一隻神龜活到三千歲，當咧泅水的時予人撈起來刣死。王將龜殼好禮仔舒tshu 綾羅綢緞lîng-lô-tiû-tuān 保藏佇雕刻花血的箱仔，閣供kìng佇廟堂之上。請問兩位大人：這龜較愛死後留殼予人敬拜，抑是較愛活咧佇塗水內底拍翸咧？

使者回講：當然是愛自由活咧佇塗水內。

莊子講：大人請回！我嘛較愛自由拍翸啦。

名佮利的代價定定攏是用自由、健康、親情甚至是性命換來的。

--
Hosting provided by SoundOn
...more
2min
August 03, 2025 第二十一篇知魚是快樂的

知魚是快樂的

莊子和惠子徛佇橋頂遊賞。

莊子喃：佇水裡逍遙自在，這是魚的「快樂」呀！”

惠子ge：「你」毋是「魚」，哪會知啥物是魚的「快樂」？

莊子辯：「你」毋是「我」，哪會知我毋知魚的快樂呢？

惠子扴：嘿啊「我」毋是「你」，當然毋知你到底知抑是毋知。

「你」嘛毋是「魚」，按呢你穩當毋知魚的「快樂」啦！

莊子歡喜講：你一開喙就問我這句：哪會知啥物是魚的「快樂」？

明明你就知我知啊。

這个公案親像是咧辯話骨，毋過無仝的經歷造成人的想法佮感受嘛無相𫝛，咱毋通輕易講三，講四評價別人。

--
Hosting provided by SoundOn
...more
2min
August 03, 2025 第二十篇莊周變蝴蝶蝴蝶

莊周變蝴蝶

莊周眠夢著家己變做一隻蝴蝶，佇一片花海自由自在咧飛來飛去，跳來跳去欶花蜜，鼻花芳實在有夠舒爽快活，伊完全忘記得家己是一个「人」。當當雄雄醒過來，真驚惶，起憢疑：我這身「人」的身軀敢會是一隻蝴蝶變來的？到底是莊周眠夢變做蝴蝶？抑是蝴蝶眠夢變做莊周這个人咧？

一世人自生到死親像一場夢？莊子借眠夢將真實佮迷幻的界線拍破，到底夢裡是真？抑是現實才是真咧？

--
Hosting provided by SoundOn
...more
2min
August 03, 2025 第十九篇魯王飼鳥

魯王飼鳥

有一工，皇宮飛來一隻海鳥。是佇魯國毋捌看過的，毛彩顯目媠氣。

魯王講：緊共掠落來，這隻鳥仔真稀罕一定是神鳥，我欲共好好仔款待。

魯王真疼惜神鳥，逐工親身飼伊食山珍海味，閣吩咐樂團演奏上優雅的樂曲予伊聽。

鳥仔心驚膽嚇一點仔都無法度體會魯王的好意：一塊肉嘛食袂落，一滴水嘛無入喉，三工後就活活枵死囉。

魯王用家己享受的生活來飼鳥，毋是用鳥仔欲愛的方式來對待。

千萬毋通勉強別人接受家己的方式，尊重才有可能予人歡喜接受心意。

--
Hosting provided by SoundOn
...more
2min
August 03, 2025 第十八篇大樹欉佮菅芒仔

大樹欉佮菅芒仔

風颱天了後，大樹欉袂勘得狂風煞斷做兩橛kue̍h倒翹翹。邊仔細粒子、看著真軟汫的菅芒仔顛倒一屑仔就無顫悶著。

大樹欉問菅芒仔：我生做高長大漢，肢骨粗勇閣𠕇篤猶是予風雨損蕩甲悽慘落魄跤殘手斷，是按怎你遮有牽挽咧？

菅芒仔講：「透風的時你人懸漢大硬拄硬搢風總是難免有輸贏，有損傷，我知影家己軟弱，透風落雨的時就落軟向頭彎身讓路，無愛佮人比懸低。

做人處事用智慧，親像菅芒仔：你讓人有步，就是予家己有路。

--
Hosting provided by SoundOn
...more
2min
August 03, 2025 第十七篇落落井的狐狸佮羊犅

落落井的狐狸佮羊犅

一日狐狸落落去深深深的古井裡。當咧懊惱的時有一隻羊犅來到井邊。

狐狸大聲呵咾：這井水清甜冰涼，啉著真爽快！我不三時就愛落來享受一下。

喙焦甲欲死的羊犅聽狐狸按呢講隨跳落去啉水：喔！有影好啉甲！我啉飽矣，啊~咱欲按怎𬦰出去唅？

狐狸講：「今咱著愛合作：你徛直，前跤覆古井壁，我爬過你的尻脊骿，搭你的角跳出去，了後換我共你搝起起。」羊犅只好照做。

啥知狐狸一下跳出去隨就閬港。

詐騙一開始總是講盡好空來唌人上釣，掩崁家己惡毒的詭計。

--
Hosting provided by SoundOn
...more
2min
August 01, 2025 第十六篇鳥鼠佮四跤仔戀愛ˇ

鳥鼠佮四跤仔戀愛

鳥鼠去予四跤仔愛著有夠僥倖。為著欲佮愛人仔做伙四跤仔將鳥鼠一跤佮家己的跤縛牢牢。去稻田散步食粟仔不止仔秋凊，當當來到水池仔邊，四跤跳落去泅水，歡喜甲kap kap叫。悲慘的鳥鼠食規腹肚水，歸尾煞淹淹死。

膨肚的鳥鼠浮起來水面去予枵燥燥的鴟鴞㨑起來，鳥鼠佮四跤猶縛做伙，一空掠雙隻，鴟鴞中晝頓有通加菜，真好空。

愛著較慘死，至少是家己選的，甘願；hông愛著閣剝袂離就死甲真悽慘，恐怖。

--
Hosting provided by SoundOn
...more
2min

FAQs about 一分鐘台語好上台:

How many episodes does 一分鐘台語好上台 have?

The podcast currently has 35 episodes available.

Share 一分鐘台語好上台

Sign up to save your podcasts

一分鐘台語好上台

FAQs about 一分鐘台語好上台:

How many episodes does 一分鐘台語好上台 have?

一分鐘台語好上台 episodes:

FAQs about 一分鐘台語好上台:

How many episodes does 一分鐘台語好上台 have?