為咗食好嘢排長龍，買公仔爭崩頭，為咗小卡同入簽售買幾廿隻碟，整體嚟講可以話使錢嘅方式越嚟越神奇🤣 當然使錢係為咗得到快樂，但係呢個快樂會唔會維持到好耐？使嘅錢同得到嘅快樂又係唔係成正比？今集異鄉90後同大家講吓拗晒頭嘅使錢方式！

年過30，錢冇咗仲可以賺返嚟，但身體健康同青春小鳥一樣一去不回來，失眠、消化不良、鼻鼾、感冒越搞越耐…我哋用盡唔同方法減慢衰退，不過PY竟然話，有時問ChatGPT反而仲有用😲 係真唔係呀？今集《異鄉90後》講下點樣保持身體健康！

我哋成日覺得韓國人好排外，不過dancer界可能唔同講法啦🤔

今時今日識新朋友，唔問星座唔問血型，反而係直接問：「你MBTI係乜？」而且喺韓國見工，仲會問到MBTI！究竟MBTI係點樣測出嚟？嗰四個英文字母真係代表晒你全部性格？如果你測出係INFJ，咁你係咪永遠都係INFJ？你嗰MBTI其實會唔會變，定係天生就整定？

人越大，處理嘅人際關係問題越多，例如點樣同同事維持良好關係，keep住識好多年嘅朋友，仲有同屋企人嘈少兩句交。結果發現和平共處嘅方法，竟然係要保持距離？🤔

泰國唔止有 T-Pop、Spa 同美食，原來仲可以做心理治療？🧘‍♂🛁 今集《異鄉90後》請嚟喺清邁工作嘅心理康復治療師 Conan，分享佢點樣幫助病人戒癮、走出童年創傷同情緒低谷。你以為呢類治療好貴？一聽話要成5萬蚊可能會嚇親，但聽完佢講你就會發現：其實真係唔「泰」貴😌 香港人面對嘅心理創傷往往來自童年經歷、職場壓力，或者生活環境轉變。作為治療師，Conan 有咩建議可以幫大家整理情緒？而佢自己身處異鄉，又點樣面對低潮？

今集係《異鄉90後》第50集，同時亦都迎嚟節目一周年啦！與此同時，失業一排嘅Catherine都終於搵到工，可以話係雙囍臨門（？）💃 究竟Catherine點樣渡過6個月空窗期？面試前要點做準備？最後又係點搵到啱心水嘅offer？希望今集可以幫到大家早日獲得心水offer🥰

今集《異鄉90後》請嚟重量級嘉賓—台灣職業棒球啦啦隊嘅香港成員嘉寶 Kapo！👏 回顧佢成長之路，從韓國、台灣留學到加入富邦，睇起上嚟佢嘅人生好似好運到連環中六合彩，但其實背後付出咗唔少努力同汗水㗎 🥺 而台灣啦啦隊近年越嚟越受歡迎，嘉寶又點樣憑自己優勢突圍而出？啦啦隊生活係真·姊妹情，定係爭妍鬥麗呢？今集《異鄉90後》帶大家深入了解嘉寶背後嘅熱血故事🤓

5月係台灣同唔少韓國納稅人報稅嘅日子，兩地報稅同收退稅都好方便，撳幾個掣交幾份文件就搞掂😎不過想扣多D稅，就要花多啲時間研究啦！捐錢同供養家人有免稅額就不在話下，估唔到睇演唱會、租樓同洗多D錢都可以扣稅？！

台灣過往畀人感覺係有休閒、人情味同對人親切，但PY喺台灣生活幾年，有時都幾難適應到，係覺得太慢同太客套，定係比較鍾意香港嘅直來直往呢？與此同時，PY同Catherine都覺得，台灣有啲特點係值得香港借鏡，究竟係邊啲特點呢？就要收聽今集《異鄉90後》啦~