Pandemiýanyň fonunda Türkmenistanda bu ýyl Garaşsyzlyk baýramy köpçülikleýin çäreler bilen bellenermi? Näme üçin Aşgabat 2017-nji ýylda Garaşsyzlyk baýramynyň senesini üýtgetdi? Dünýä Türkmenleriniň bu sany şeýle soraglara jogap gözleýär.

Dünýä Türkmenleriniň bu sany Eýranda türkmen we pars dillerinde çap edilýän “Sähra” atly hepdelik gazetiň ygtyýarnamasynyň ýatyrylmagy barada gürrüň gozgaýar.

Türkmenistanyň raýatlary ABŞ-da üç gün bäri protest aksiýalaryny geçirýärler we türkmen konstitusiýasyna üýtgetme girizilmeginden, şeýle-de prezident Gurbanguly Berdimuhamedowyň alyp barýan syýasatyndan närazylyk bildirýärler. Guramaçylar geçirilýän protestleriň Türkmenistana we ýurtdaky problemalara köpçüligiň ünsüni çekýändigini belleýärler.

Türkiýäniň Stambul şäherinde türkmenistanly bir aýal türk raýaty tarapyndan atylyp öldürildi. "Milliyet" neşiriniň habaryna görä, bu waka 28-nji awgustda sagat 23:00 töwereginde şäheriň Kartal etrabynyň Harman köçesindäki üç gatly binanyň birinji gatynda boldy.

ABŞ-da üç gün bäri Türkmenistanyň raýatlary türkmen konstitusiýasyna girizilen üýtgetmeler we prezident Gurbanguly Berdimuhamedowyň syýasaty bilen ylalaşmaýandyklaryny mälim etmek boýunça geçirýän çykyşlaryny dowam etdirýärler.

Gepleşigimiziň bu sany pandemiýanyň fonunda Türkmenistanda täze okuw ýylyna görülýän taýýarlyklara gönükdirilýär.

Dünýä Türkmenleriniň nobatdaky sany Belarusdaky soňky syýasy tolgunyşyk we onuň Türkmenistandan eşidilýän ýaňy barada gürrüň gozgaýar.

Dünýä Türkmenleri gepleşigimiziň nobatdaky sanynda türkmen diliniň meseleleri we mümkinçilikleri barada türkmen ýazyjysy we synçy Hudaýberdi Hally bilen geçirilen söhbetdeşligi diňleýjilerimiziň dykgatyna hödürleýäris.

Gepleşigiň bu sany Owganystanda ýaşaýan etniki türkmenleriň öz hukuklaryny goramak ugrunda alyp barýan tagallalaryndan söhbet açýar.

Dünýä Türkmenleriniň bu sany Türkmenistanda medeniýet we sungat äleminiň örüsinden, döredijilik işgärleriniň döwlet tarapyndan höweslendirilmeginden hem-de munuň döredijilik ylhamyna ýetirmegi ahmal täsirinden söhbet açýar.