Daily Devotion Day 18: May panahon ka pa ba upang katagpuin si Hesus? Naglalaan ka pa ba ng oras upang siya ay sambahin at pasalamatan? Sa tuwing ikaw ay nagsisimba o nagdarasal, bukas ba ang iyong puso at isip upang tanggapin ang kanyang salita at katawan?

#DailyDevotionWithFatherFiel

Daily Devotion Day 17: Hangad natin ang pagbabago lalo na kung ito ay makabubuti sa atin. Ipagdasal natin sa Diyos na tayo'y bigyan ng disiplina, determinasyon at malalim na pananampalataya.

#DailyDevotionWithFatherFiel

Daily Devotion Day 16: Ngayong araw ang pista ng Santo Nino, ano ang mga aral na ating mapupulot sa banal na pagdiriwang ito? Tatlong bagay ang ating pagninilayan sa ating devotion: pass the faith, teach the faith and be role models of our faith.

Isabuhay natin ang ating pinaniniwalaan!

#DailyDevotionWithFatherFiel

Daily Devotion Day 15: Walang itinatangi, walang pinipili, ang misyon ng awa at pagmamahal ng Diyos ay para sa lahat. Iyan ang mensahe ng ating devotion ngayong araw na ito. Bilang mga Kristiyano, inaasahan sa atin na ipagpatuloy ang misyong ito ng awa ng Diyos tulad ng ginawa ni Hesus.

#DailyDevotionWithFatherFiel

Daily Devotion Day 14: Tayong lahat ay tinatawagang isabuhay ang dalawang bagay bilang mga tagasunod ni Kristo: gawa at pananampalataya. Hindi maaaring paghiwalayin ang dalawa o isabuhay lamang ang isa at tatalikdan ang isa. Kaakibat ng ating pagmamahal sa Diyos ang ating pananagutan sa ating kapwa.

#DailyDevotionWithFatherFiel

Daily Devotion Day 13: Nasisiyahan ba ang Diyos sa tuwing tayo ay nagdurusa at nagkakasakit? Sa ating devotion ngayong araw na ito, malinaw nating makikita na ang kalooban ng Diyos ay ang tayo ay mapabuti at gumaling sa aying mga paghihirap. Ito ay malinaw nating nakita sa tatlong aksyon ni Kristo, sa akto ng kanyang pagpapagaling sa ketongin. Ano nga ba ang ating dapat maging atitud? Ating pagnilayan ang mga bagay na ito sa atig devotion.

#DailyDevotionWithFatherFiel

Daily Devotion Day 12: Tayo ay nananalig na pagagalingin ng Panginoon ang mga taong maysakit. Ngayong tayo ay nasa pandemiya, tayo ay sensitibo sa pagkakaroon ng sakit, at bukod pa riyan, alam nating pagod na ang ating mga manggagamot at iba pang mga frontliners. Si Hesus ang ating Dakilang Manggagamot na nakahandang sumaklolo sa atin. Huwag tayong mahiya sa kanya sapagkat nais niya ay ang tayong lahat ay magkaroon ng paghilom.

#DailyDevotionWithFatherFiel

Daily Devotion Day 11: Ninanais nating magtagumpay sa lahat ng aspeto ng ating buhay! Ngunit, papaano nga ba? Sa paggawa ng mga desisyon tayo magsisimula, at ang katanungan sa atin ay, ito ba ay ikinukunsulta natin sa Diyos sa pamamagitan ng panalangin? Ito ba ang kanyang banal na kalooban sa atin?

#DailyDevotionWithFatherFiel

Daily Devotion Day 10: Lahat tayo ay nagnanais na makapagbalik-loob sa Ama. Ngunit, ano ng ba ang mainam nating gawin? Ngayong tayo ay nagsisimula ng bagong panahon, tayo ay binibigyan ng slogan ng ating devotion, "magsisi at magbalik-loob". Ang dalawang gawain sanang ito ang ating isabuhay sa tulong ng awa at grasya ng Diyos!

#DailyDevotionWithFatherFiel

Daily Devotion Day 9: Sa pamamagitan ng sakramento ng binyag, tayo ay napabilang sa pamilya ng Diyos, at tayo naging bahagi ng Katawang Mistiko ni Kristo. Ano man ang ating ginagawa sa ibang bahagi, ginagawa natin kay Kristo, sapagkat siya ang ulo at tayo ang kanyang katawan.

#DailyDevotionWithFatherFiel