في حلقة الأسبوع ده ، بيقابل يوسف صبري الدكتوره نورهان قنديل .. نورهان من الشخصيات المؤثره علي السوشيال ميديا بعيداً عن كونها طبيبه ، بنتعرف في الحلقه علي نورهان بشكل اقرب و كمان بنعرف رحلتها ازاي بدأت و وصلت فين ، و ازاي قدرت تساعد الناس و في نفس الوقت تكون مبسوطه و بتعمل حاجه بتحبها .

ضيفنا حلقتنا الجديدة من البودكاست هو: رامز ماهر، رائد أعمال مصري بيشتغل في مجال تنمية المجتمع وريادة الأعمال، وهو مؤسس مؤسسة حلم، وهي منظمة غير ربحية بتهدف لدعم الشباب ذوي الهمم وتمكينهم في المجتمع، من خلال توفير فرص التعليم والتدريب المناسبة لهم، رامز بدأ رحلته دي من أكثر من 10 سنوات، وعنده خبرة كبيرة في مجال العمل المجتمعي، هنتعرف سوا أكتر على رامز وخبراته الكبيرة دي، في حلقة النهاردة، تابعونا.

في حلقة الأسبوع ده ، بيقابل يوسف صبري فنان الثري دي سيف حسام ، سيف قدر من سن صغير انه يتعلم مجال الثري دي وبيشتغل فيه بشكل مستمر سواء وظائف او ك فريلانسر .. سيف برضه عنده محتوي علي السوشيال ميديا و بيعلم الناس ازاي يشتغلوا و يقدروا يطوروا من نفسهم في مجال الثري دي … ودايماً عنده مبدأ انه بيحب وهو بيتعلم يعلم غيره ، هنعرف ف البودكاست ازاي سيف بيقدر يحقق اضعاف دخله من الفريلانس وازاي تبدأ شغلك .

في حلقة الأسبوع ده ، بيقابل يوسف صبري المذيعة السورية سماح وهبة ، سماح اشتهرت بتقديم البرامج الاذاعيه في بدايتها لحد ما وصلت انها بقت مقدمة برامج تلفزيونية في اكتر من قناة كبيرة زي ال ايه ار تي و الجزيره ، هنعرف في الحلقة ازاي سماح قدرت توصل لكل ده و تحقق نجاحات جوه و بره بلدها .. والاهم من ده هنعرف في اخر الحلقة ان الاراده بتوصل لحاجات مستحيل تتخيلها .

في حلقة الأسبوع ده ، بيقابل يوسف صبري صانعة المحتوي فرح الكردي ، فرح بتقدم محتوي تعليمي علي التيك توك ، اغلب الناس تعرف فرح من شكلها و استايلها ولكن مفيش ناس كتير تعرف مين فرح اصلاً ، في البودكاست دي نتعرف علي فرح اكتر و هنعرف رحلتها .

في حلقة الأسبوع ده ، بيقابل يوسف صبري صانع المحتوي أحمد البدوي ، احمد هو صانع محتوي علي السوشيال ميديا متخصص في فلوجات السفر بيسافر دول محدش ممكن يفكر انه يروحها و يورينا عاداتهم و تقاليدهم و ازاي بيعيش المواطن فيها ، احمد قدر انه يسافر ٦٠ دولة وهو عمره ٢٣ سنه دلوقتي .. هنعرف في البودكاست دي قصته و ازاي قدر يحقق كل ده في سن صغير ، والاهم هل هيقدر يحقق حلمه في انه يزور العالم كله ؟

في حلقة الأسبوع ده ، بيقابل يوسف صبري عبدول ابراهيم ، عبدول كان من انجح الشخصيات المؤثره علي السوشيال ميديا و كان من اوائل الشباب اللي اهتموا بيها و كان متخصص في المحتوي الكوميدي ، بيمر بعدها عبدول بظروف حادثه ويدخل بعدها في غيبوبه و يبعد تماماً عن رحلته في السوشيال ميديا .. هنعرف معاه قصته و ازاي قدر يعدي الفتره الصعبه دي و اهدافه الجايه و الاهم وهو سؤال .. ياتري ليه في ناس قليلة الاصل ؟

في حلقة الأسبوع ده ، بيقابل يوسف صبري ٣ شباب مصريين قدروا انهم ينجحوا في مشاريعهم الخاصه في سن صغير ، بدر جميعي ٢١ سنه ، اسلام فؤاد ١٩ سنة ، زياد نادر ٢٢ سنه ، كل واحد فينا بيحكي لنا حلمه و هدفه في الحياه و ازاي قدر يمشي ناحيته من دلوقتي في سن صغير ، بنعرف يوسف اثر ازاي في حياتهم ، و فرص شغل هتتعرض في اخر الحلقه .

حسام هيكل ضيف الحلقة الأولى من ال YSM 💪🔥