Энэ удаагийн дугаарт Сэтгэл зүйч Г.Наранбаатартай мэргэжлийн болон эр хүнийх нь хувиар эмэгтэйчүүддээ эрчүүдийг/ нөхрөө/ ойлгоход нь туслах зөвлөмж болгон маш хэрэгтэй зүйлсийг ярилцсан болно. Магадгүй зөвхөн эмэгтэйчүүд сонсох ёстой биш залуу та өөрийгөө эхнэртээ ойлгуулахдаа ямар нэгэн асуудалтай нэг л гол санаагаа хэлж ярьж чаддаггүй бол уг дугаарыг сонсоод санал нийлж байвал эхнэр лүүгээ шэйр хийн явуулж өөрийгөө ойлгуулах бас нэг боломж юм шүү.

Энэ дугаартаа сонсогчидын ирүүлсэн асуултын дагуу олон төрлийн асуудлыг хөндөн хариулт өгөх байдлаар бэлтгэн хүргэж байна. Зарим асуултын хувьд товч байж болох ч цаашаа хэрхэн асууж сураглах анхны мэдээллийг ядаж хүргэхийг хичээн ярилцсан байгаа. Энэ дугаарт дурьдагдах сэдэв нь Япон улсад ганц бие ээжид олгодог хөнгөлөлтүүд, ажил солиход анхаарах зүйлс, цалингийн задаргаанд юу юуг илүү анхаарч үзэх ёстой болон хэрвээ жолооны курс Япон улсад сурах бодолтой байгаа хүмүүстээ бяцхан мэдээллүүдийг багцлан товч байдлаар хүргэж мөн хоэкүэн , ёочиэн (цэцэрлэгийн) ялгаануудын талаар өөрсдийн жишээн дээр аван шаардлагатай мэдээллийг хүргэхийг зорьсон болно.

Хэзээ нэг өдөр нутаг буцна гээд бодож байгаа хүмүүстээ энэ удаагийн дугаараа зориулж Японд 8 жил амьдраад Монгол буцаад 2 жил гаран болж байгаа зочинтойгоо уулзан олон сэдвийг хөндөн ярьсан ба бэлтгэл юуг хангах ёстой болон буцахаасаа өмнө хэрхэн ажилд орох боломж байгаа мөн Япон руу өөр ямар байдлаар хямд очих зэрэг нэлээн том сэдвүүдийн хүрээнд өөрийн туршлага бодлуудаа хуваалцсан болно.

Энэ удаагийн дугаартаа Япон улсад амьдрах хугацаандаа даатгалд хамрагдахын давуу тал болон учирч болох эрсдлүүдийг дурьдаж ямар даатгалд хамрагдвал зохих талаар зөвлөгөө авч нээлттэй ярилцан мөн Япон улс дахь монгол иргэдийн AMJ холбооны иргэддээ үзүүлдэг тусламж , үйлчилгээний талаар ойлголтыг өгсөн дугаар боллоо.

Уг сэдвийн хүрээнд гэр бүл дэх хүүхдийн хүмүүжилд эхнэр нөхрийн үндэстний ялгаатай байдал болон амьдарч байгаа улсын орчин нөхцөл нөлөөлснөөр заавал ялгаатай хүмүүжлийн арга барилаар явах нь хэр оновчтой болон олон сэдвээр өөр өөрсдийн бодлоор чөлөөтэй ярилцсан болно.

Гадаад улсыг зорих сонголтонд тань Япон улс хэрвээ багтаж байгаа бол таньд энэ дугаарыг сонсохыг ( ээж аав нар хүүхдээ явуулах бодолтой байгаа бол мөн сонсоод үзээрэй) зөвлөж байна. Ямар ч элдэв хачиргүй байж болох муу талаас хүрч болох сайн тал хүртэл өөрсдийнхөө бодлыг, үзэж туулсан зүйлсээсээ хуваалцсан болно.

Япон улсад хүүхэд төрүүлэх болон Монгол улсад хүүхэд төрүүлэхийн ялгаатай байдал болон төрөлттэй холбоотой сэдвүүдийг тусган өөрсдийн хэмжээнд мэдээлэл хүргэн санал бодлоо хуваалцсан дугаар байгаа 😊