YùsCast

دااائما في اطار التحسيس و التوعية حول سرطان الثدي ،

ركزت في هاذ الحلقة على مرحلة ما بعد استئصال الثدي ،

النساء لي تم تشخيصهم بسرطان الثدي و كان علاجهم الاستئصال الكلي لأحد الثديين أو كلاهما ،

كيفاش راح يأثر هاذ الشي على نفسيتهم ؟

هل راح يكملو حياتهم بدون ثدي ؟

هل كاين حلول جراحية تجميلية تقدر تعوض للثدي المستأصل ؟

كيفاش تتم هاذ العمليات التجميلية ؟

و هل هاذ العمليات فيها خطر و تزيد من احتمالية الاصابة مجددا بالسرطان ؟

كل هاااذ الاسئلة تلقاو أجوبتها في الحلقة ❤️

في هاذ الحلقة حكيت على مرضين متشابهين البوشوكة و البوحمرون ، حاولت نفصل في كل واحد فيهم و نقارن بيناتهم باش يقدر المستمع يتعرّف على كل واحد منهم و يدير الفرق بيناتهم

كل عام كل شتاء ،، يصراو كوارث ،، عائلات كااااملة يرووحو بسبب التسمم بغاز أحادي الكربون ،، هدرت على هاذ التسمم ،، كيفاش نحمو رواحنا من هاذ الغاز ؟ كيفاش نعرفو بلي رانا نستنشقو فيه ؟؟ ماهي الاعراض ؟؟ و كيفاش نتصرفو

هل فعلا إستعمال الليزر للتخلص من الشعر يسبب السرطان ؟؟ 😱 اسمعوووو الحلقة باش تعرفو الاجابة

حكيت فهاذ الحلقة على المرأة لي تكتشف كتلة على مستوى الثدي ، شا دير ؟ وين تروح ؟ شا راه يقارع فيها ؟ و أكدت على أهمية الفحص المبكر و المشاركة فالحملات التحسيسية

حكيت في هاذ الحلقة على اهم عوامل الخطر لي تخلي المرأة أكثر عرضة لسرطان الثدي ،

مرض الزهايمر ، مرض القرن و احد اكثر اسباب الخرف شيوعا في العالم ، تحدث في هذه الحلقة عن اهم ما يمكن معرفته حول هاذ المرض

الكيس المائي مصطلح بزاااف نسمعوه كل ما يقرّب عيد الاضحى ، جربت في هاذ الحلقة نشرحه بشكل بسيط باش نعرفوه و نفهموه و نعرفو كيفاش نراقبو الاضاحي تاعنا و شا نديرو كون نلقاوهم مصابين بيه

الفصام .. هو احد الامراض العقلية التي يجب على كل فرد ان يكون على دراية بأعراضه و اسبابه و كيفية علاجه و التكفل به ، حاولت في هذه الحلقة ان اقدم الكثير من المعلومات حول هذا المرض خاصة و عن الامراض العقلية و كيفية التعامل معها بشكل عام

في هذه الحلقة تحدثت عن التسمم الغذائي بشكل عام و مبسط ، اسبابه ، اعراضه ، كيف يجي التعامل معه و طرق الوقاية منه