በቤኒሻንጉል ጉሙዝ ማኦ-ኮሞ ልዩ ወረዳ በጥር ወር ተፈጥሮ በነበረው የጸጥታ ችግር ለተፈናቀሉ 15ሺ ለሚደርሱ የተፈናቀሉ ዜጎች ሰብአዊ ድጋፍ ለማዳረስ ጥረት እየተደረገ መሆኑ ተገለፀ። በወረዳው ተፈጥሮ በነበረው አለመረጋጋት የሰውና ንብረት ላይ  ጉዳት መድረሱንም የክልሉ አደጋ ስጋት ስራ አመራር ኮሚሽን ተናግሯል፡፡

ኢትዮጵያ በቅርቡ ያደረገቻቸው የኤምባሲዎች መልሶ ግንባታና የአምባሳደሮች ሹመት ወቅታዊው የኢኮኖሚና ዲፕሎማሲያዊ ፈተናዎች ማለፍ እንዲቻል በማሰብ ነው ተብሏል፡፡ አገሪቱ በተወሰኑ አገራት የነበሯትን ኤምባሲዎች በመዝጋት በምትካቸው በሌሎች አገራት ኤምባሲ መክፈቷም ወጪ ቆጣቢነትና አገራዊ ጥቅምን ቅድሚያ በመስጠት መሆኑም ተመልክቶአል።

የሚጠጋ ከኦሮሚያ ክልል ተፈናቅለው በአማራ ክልል ሰሜን ሸዋ ዞን የሚገኙ ተፈናቃዮች መንግስት በአግባቡ ርዳታ እያደረገልን አይደለም ሲሉ ከሰሱ። ቅሬታውን የዞኑ አስተዳደር የሚጋራ ቢሆንም፣ የአማራ ክልል አደጋ መከላከልና ምግብ ዋስትና ኮሚሽን ግን በቂ የምግብ ርዳታ ለተፈናቃዮች ደርሷል ይላል፣ ችግሩን ለማቃለልም እየተሰራ እንደሆነ አመልክቷል፡፡

አፋር ክልል ረሃብ ለመሰለ ሁኔታ መጋለጡን የአፋር ሕዝብ ፓርቲ ተናገረ። ፓርቲው ሕወሓት ከአፋር ክልል ያለምንም ቅድመ ሁኔታ በአስቸካይ እንዲወጣ የዓለምአቀፍ ማህበረሰብ ግፊት እንዲያደርግ ጠይቋል። የአፋር ብሔራዊ ክልላዊ መንግሥት የክልሉ አምስት ወረዳዎች አሁን ድረስ በሕወሓት ታጣቂዎች ቁጥጥር ይገኛሉ ብሏል።