Жаңалықтар

 

Бүгін Парламент Мәжілісінің жалпы отырысында депутаттар «Астық туралы» заң жобасын мақұлдады.

Мәжіліс Төрағасы Нұрлан Нығматулин атап өткендей, пандемияға байланысты көптеген мемлекеттер шектеу режимдерін енгізіп, сауда-экономикалық байланыстар азайды.

Осыған сәйкес, Нұрлан Нығматулин астық мәселесі-бірінші кезектегі әлеуметтік сұрақ екеніне назар аударып, заң жобасында қаралған астық қорларын сақтауды мемлекеттік қамтамасыз ету, осы саладағы оператордың мәртебесін анықтау туралы нормалар өте маңызды екенін айтты.

Жалпы, заң жобасы астықтың тұрақты жұмыс істейтін резервтік қорын қалыптастыру арқылы елдің азық-түлік қауіпсіздігін қамтамасыз етуді арттыруға бағытталған.

***

ҚР Премьер-Министрінің орынбасары Ералы Тоғжанов бастаған үкіметтік делегация Жамбыл облысына жасаған сапары аясында COVID-19-ға қарсы отандық вакцина шығаратын зауытты салу барысымен танысты. Нысан Мемлекет басшысының тапсырмасымен салынуда. Құрылыс-монтаждау жұмысы биыл аяқталады, қазіргі уақытта барлық инженерлік коммуникация жүргізілген. Зауыт келесі жылдың бірінші тоқсанында жұмыс істей бастайды. Мұнда әлемдік стандарттарға сәйкес иммунобиологиялық препараттар, оның ішінде коронавирус инфекциясына, тұмауға, туберкулезге, бруцеллезге басқа да инфекциялық ауруларға қарсы вакцина шығарылады. Жыл сайын биопрепараттардың 30-60 млн дозасын өндіру жоспарланып отыр.

***

Ақмола облысында карантиндік шаралар күшейтіледі.

Аймақтың бас мемлекеттік санитарлық дәрігері Айнагүл Мусинаның хабарлауынша, өткен аптамен салыстырғанда вируске шалдығу көрсеткіші 1,5 есе өскен. Екінші күн қатарынан өңір коронавирустық инфекцияның таралуы бойынша "қызыл аймақта" тұр. Ішкі саясат басқармасының мәліметінше, Ақмола облысының бас мемлекеттік санитарлық дәрігерінің карантинді қатайту жөніндегі жаңа қаулысы алдағы уақытта жарияланады.

***

Солтүстік Қазақстан облысында құс тұмауы тіркелген бірқатар елді мекендерде карантин алынып тасталды. Бұл туралы ветеринария басқармасының қызметкерлері хабарлап отыр. Шектеу шаралары өңірдің 8 ауылында күшін жойды. Мамандардың айтуынша, әлі 7 ауыл жабық. Өңірде бұл аурудан 1 жарым миллионнан астам құс қырылған еді. Шығынға батқан шаруаларға өтемақы төленіп жатыр,-деп хабарлайды хабар 24.

***

Еліміздің су айдындарында балықшылардың көз жұму жағдайлары жиіледі. Аң және балық аулау маусымы басталғалы өзен-көлдерде 12 адам, оның ішінде бір бала қайтыс болған. Оқыс оқиға Ақмола, Алматы, Қостанай, Қызылорда, Маңғыстау, Түркістан облыстарының су айдындарында тіркелді. Сондықтан қазір министрліктің аумақтық бөлімшелері рейдтік іс-шаралар өткізуде. Оның барысында балық аулау кезіндегі қауіпсіздік шараларын сақтау туралы ақпараттық жадынамалар таратылды.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Елдімекендерді газдандыруды белсенді түрде жалғастыру керек. Мұндай тапсырманы Үкімет отырысында ҚР Премьер-Министрі Асқар Мамин берді. «Биылғы жылдың қорытындысы бойынша ел тұрғындарын газдандыру көрсеткіші 53 пайыз деңгейінде болады деп жоспарланған, 10 млнға жуық адам табиғи газға қолжеткізбек», - деді Үкімет басшысы. Оның айтуынша, 2025 жылы газдандыру деңгейі 60 пайызға жетіп, 2120 елді мекен немесе 11,7 млн тұрғын қосылады.

***

Экология, геология және табиғи ресурстар министрі Мағзұм Мырзағалиев ауасы жоғары деңгейде ластанған 10 қаланы атады. «2019 жылдың қорытындысы бойынша атмосфералық ауаның экологиялық мониторингіне сәйкес 45 елді мекеннің ішінде 10 қала атмосфералық ауаның жоғары ластану деңгейіне жатады», - деді Мағзұм Мырзағалиев Үкімет отырысында.

***

Атырау облысында мониторинг топтарының жұмысы күшейтіледі. Бұл туралы облыс әкімі Махамбет Досмұхамбетов өткізген кеңсте айтылды. «Қауіптің алдын алу үшін мониторинг топтары әсіресе, демалыс күндері жұмысын күшейтсін. Халыққа індеттің қаупі туралы түсіндіру, ескерту жұмысын жандандырыңыздар»,- деді Махамбет Досмұхамбетов. Басқосу соңында өңір басшысы қаулы талаптарын қатаң сақтауды, мониторингтік топ жұмысын тұрақты зерделеп отыруды, түсінік жұмысын кеңінен жүргізуді тапсырды.

***

Шығыс Қазақстан облысы Глубокое ауданында көпбалалы отбасыларға арналған 60 пәтерлік көпқабатты тұрғын үй салынды. «Биыл аудан орталығы Глубокое кентінде «Нұрлы Жер» бағдарламасы бойынша 60 пәтерлік тұрғын үйдің құрылысы аяқталды. Оның 45-і кезекте тұрғандарға сатып алу құқығынсыз жалға берілетін болса, қалған 15-і көпбалалы отбасыларға берілмек», - деді Глубокое ауданының әкімі Тамара Рахымжанова. Бұдан бөлек, қазір Глубокое кентінде 20 көпбалалы отбасын тұрғын үймен қамтамасыз ету үшін екі пәтерлік 10 үйдің құрылысы жүргізілуде. Облыстық бюджет қаражаты есебінен үйлерді сатып алуға 280 млн теңге, сондай–ақ инженерлік-коммуникациялық инфрақұрылымды жүргізу үшін аудандық бюджет есебінен 28 млн теңге бөлінген.

***

Атырау облысында екі жылда ЭКО тәсілімен 177 сәби дүниеге келген. Бұл туралы «Экомед Атырау» орталығының репродуктолог-дәрігері Гүлсара Басарова онлайн брифингте мәлім етті. Оның айтуынша, шахарда 3000 әйел мен ер азамат бедеулік диагнозымен тіркелген. « мемлекет тарапынан жыл сайын экстракорпоральды ұрықтандыру процедурасына квота бөлініп келеді. Биыл 9 квота бөлінді. Оның ішінде тек 6 процедура ғана нәтижелі болды. Облыста ЭКО кезегінде 722 жұп кезекте тұр. », - деді Гүлсара Басарова.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Пандемияға қарамастан, Қарағанды облысында экспорттық әлеуеті мол инвестициялық жобалар, жаңа өндіріс орындары жүзеге асырылып жатыр. Бұл туралы Президент Қасым-Жомарт Тоқаев Twitter-де жазды. «Қарағанды облысына жұмыс сапарым барысында «Сарыарқа» АЭА мен «YDD CORPORATION» ЖШС ферроқорытпа зауыты секілді бірқатар нысанды аралап көрдім. Пандемияға қарамастан өңірде экспорттық әлеуеті мол инвестициялық жобалар, жаңа өндіріс орындары жүзеге асырылып жатыр», - деді Мемлекет басшысы. Сондай-ақ Қ.Тоқаев Қарағандыдағы үлкен тенниспен және үстел теннисімен айналысатын жаңа орталықтардың жұмысымен танысты. Еске салайық, ҚР Президенті жұмыс сапарымен Қарағанды облысында болды.

***

Коронавируспен сырқаттанушылықтың өсуі еліміздің барлық өңірлерінде тіркелді. Инфекциялық төсек-орындар – 22%, реанимациялық төсек-орындар– 17% толды. Бұл туралы ведомствоаралық комиссияның (ВАК) селекторлық отырысында белгілі болды. «Қызыл аймақта» 5 өңір қалып отыр: Ол Шығыс Қазақстан, Павлодар, Қостанай, Солтүстік Қазақстан, Ақмола облыстары. «Сары аймақта» 2 өңір бар: Батыс Қазақстан облысы және Нұр-Сұлтан қаласы. Жиында 5Үкімет басшысы денсаулық сақтау, индустрия министрліктеріне әкімдіктермен бірлесіп, медициналық жабдықтарды жеткізуді аяқтауды және инфекциялық стационарлардың реанимациялық бөлімшелерін толық жабдықтауды қамтамасыз етуді тапсырды.

***

Ақтөбеде бірнеше жол ақылы болады. Қазір өңірде қоғамдық тыңдау өтіп жатыр. Самара-Шымкент тасжолының Ақтөбе-Қобда-Батыс Қазақстан аумағы, Батыс Қытай-Батыс Еуропа халықаралық дәлізінің Ақтөбе-Мәртөк-Орынбор бағыты ақылы болады. Алдағы уақытта заманауи бағдарламалық-аппараттық кешен іске қосылады. Кешен арқылы жол қозғалысының қауіпсіздігі бақыланады. Жол жүру төлемі алдын ала төлеу тәсілімен немесе қолма-қол ақшасыз болады», - деді «Қазавтожол» АҚ облыстық филиалы басшысының орынбасары Айбол Данағұл.

***

Шығыс Қазақстан облысына 10 жылжымалы медициналық кешен жеткізілді. Бұл туралы ШҚО Өңірлік коммуникациялар қызметінде өткен онлайн-баспасөз мәслихатында облыстық Денсаулық сақтау басқармасы басшысының орынбасары Думан Берікұлы мәлім етті. Тұрғындардың күту уақыты мен жедел жәрдем көлігінің жүктемесін азайту мақсатында 216 дана көлік жеткізілмек. Қазірде 77 жедел жәрдем көлігі алынды, қалғандары жыл соңына дейін әкелінеді. Оның сөзінше Өңір бойынша бүгінде коронавирус инфекциясын жұқтырудың 15 263 жағдайы тіркелген. Инфекциялық және карантиндік стационарларда төсек-орындардың 17,1% толды. Облыста барлығы 3374 инфекциялық және 490 карантиндік төсек-орын бар.

***

Қазгидромет елдің 3 өңірінде ауа райына байланысты ескерту жариялады. Бүгін Батыс Қазақстан, Маңғыстау , Қарағанды облысының кей жерлерінде тұман, көктайғақ күтіледі.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Елімізде коронавирус жұқтырған 214 адамның жағдайы нашар. Соның ішінде 29 науқастың ахуалы аса қатты ауыр деп бағалануда. 23 науқас өкпені жасанды желдету аппаратында жатыр, - деп хабарлайды ДСМ. 22 қарашадағы мәлімет бойынша 11 191 адам ем қабылдауды жалғастырып жатыр. Олардың арасында 614 бала бар. Стационарларда 3 165 науқас жатыр. 8 026 адам амбулаториялық жағдайда емделуде.

***

Елордадағы жарылыстан зардап шеккендердің 23-і ауруханаға жатқызылған. Аздаған жарақаты бар 11 адам үйіне қайтарылған. Бұл туралы қалалық Денсаулық сақтау басқармасы хабарлады. Еске салайық, қарашаның 21-і күні түскі 12:30 шамасында Шұбар ауданындағы дәмханалардың бірінде газ баллоны жарылды. Салдарынан бір адам қайтыс болды. Қазір оқиғаны тергеу бойынша арнайы комиссия жұмыс істеп жатыр.

***

Ұлыбританияда коронавирустың жаңа түріне қарсы вакцинаны қабылдаған адамдар үшін ковид-төлқұжаттар енгізілуі мүмкін. Бұл туралы Sunday Times хабарлады. Басылымның мәліметінше, бұл құжатты алған азаматтар ел ішінде емін-еркін қатынай алады. Сонымен қатар жұмыс бабымен іс-сапарларға мүмкіндік береді екен. Тиісті шешімді дүйсенбі күні ел премьер-министрі Борис Джонсон жария етеді деп күтіліп отыр. Бүгінде Ұлыбританияда коронавирус жұқтырудың бір миллион төрт жүз мыңнан астам дерегі тіркелген.

***

Елордада 23 қараша күні сағат 12:00-ден 18:00-ге дейін Алаш тас жолы (Бөгенбай батыр көпірі) көпірінің оң жақ шеткі жолағының Уәлиханов көшесінен орталық базарға дейінгі бөлігін жабу жоспарлануда, деп хабарлайды қалалық әкімдіктің баспасөз қызметі. «Қала жолдарында кептеліс тудырмау үшін елорда тұрғындары мен қонақтары өз қозғалыс бағыттарын алдын ала жоспарлауы қажет», - делінген Нұр-Сұлтан қаласы Көлік және жол-көлік инфрақұрылымын дамыту басқармасының таратқан хабарламасында.

***

Алматы облысында Балқаш көлінен 650 кг балық аулаған браконьер ұсталды. Алматы облыстық Полиция департаменті баспасөз қызметінің мәліметінше, ҚК 335-бабының 3-бөлігі 5-тармағы бойынша сотқа дейінгі тергеудің бірыңғай тізілімінде балықты заңсыз аулау дерегі бойынша Жамбыл ауданы Үлкен кентінің 36 жастағы тұрғынынан құқық қорғау органдары моторы бар пластик қайықты, 1000 метр мононитті Қытай желілерін тәркілеген. Аталған қылмыстық іс сотқа жолданған.

***

«Қазгидромет» РМК-сы Қазақстанның 6 облысында ауа райына байланысты ескерту жариялады. Синоптиктер таратқан мәліметтерге қарағанда, 23 қараша күні Ақмола, Түркістан, Батыс Қазақстан, Маңғыстау, Солтүстік Қазақстан және Жамбыл облыстарында тұман түсіп, көктайғақ болады және жаяу бұрқасын соғуы ықтимал. Осындай жағдай Нұр-Сұлтанда да қалыптасады деп болжануда.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Сыртқы факторлардың ықпалына және пандемияның таралуын шектеу шараларына қарамастан, Шығыс Қазақстан облысында әлеуметтік-экономикалық көрсеткіштердің оң динамикасы сақталып отыр. Бұл туралы Шығыс Қазақстан облысының әкімі Даниал Ахметов айтты. «Жыл басынан бері облыс экономикасын дамытуға 547 млрд теңге инвестиция салынды. 24 мыңнан астам жаңа жұмыс орындары ашылды, жұмыссыздық деңгейі 4,9 пайыздан аспайды», - Даниал Ахметов.

***

Жыл соңына дейін Қазақстандағы барлық аудандарда сервистік әкімдіктер ашылады. Сыбайлас жемқорлыққа қарсы іс-қимыл агенттігі «Adaldyq alańy» жалпыұлттық сыбайлас жемқорлыққа қарсы жобасы аясында мемлекеттік органдарды трансформациялауды жүргізіп, олардың жұмысын сервистік үлгіге көшіруде. Бүгінгі таңда ел бойынша аудандық және қалалық әкімдіктердің 163-і сервистік жұмыс форматына көшті. Ауыл және кент әкімдіктерінің 98% - ында өзіне-өзі қызмет көрсету бұрыштары ашылған. Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметі хабарлады.

***

Елде «санитариялық авиация» термині «медициналық авиация» болып өзгертілді. Медициналық авиация – бұл әуе көлігін тарта отырып, халыққа шұғыл нысанда жедел медициналық көмек көрсету. Көмектің бұл түрін «Ұлттық шұғыл медицинаны үйлестіру орталығы» көрсетеді. Медавиация пациенттерді тасымалдау, консультациялар мен операциялар жүргізу үшін жоғары білікті мамандарды әуе көлігімен жеткізу, телемедициналық консультациялар өткізу, сондай-ақ донорлық органдар мен биоматериалдарды тасымалдау жұмыстарын жүргізеді.

***

Бүгін Алматы қаласындағы «Достық» спорт кешенінде күрес түрлерінен Қазақстан біріншілігі басталды. Балуандар бір апта бойы еркін, грек-рим және әйелдер күресінен бақтарын сынайды. Еркін күрес шеберлері 20-22 қараша күндері аралығында боз кілемге шығады. Әйелдер күресі 23 қарашада өтеді. Грек-рим күресінің шеберлері 24-26 қараша күндері бозкілемде бәсекеге түседі. Qazsport телеарнасы күрес түрлерінен Қазақстан чемпионатының соңғы екі жарыс күнін 25-26 қараша күндері көрсетуді жоспарлап отыр.

Қазақ радиоларының таңдаулы подкасттарын podcast.qazradio.fm сайтынан таба аласыз.

Ақ жол партиясы сайлауалды бағдарламасын таныстырды.

Мемлекеттік бағдарламаны дұрыс орындамаған әкім қатаң сөгіс алды.

Жұқа мұз үстінде балық аулаған балықшы бір өлімнен аман қалды.

 

«Ақ жол» демократиялық партиясының XVI сайлауалды құрылтайында партияның сайлауалды бағдарлама жобасы ұсынылды, деп хабарлайды ҚазАқпарат. Партия төрағасы Азат Перуашев бағдарламадағы ең негізгі басымдық – Тәуелсіздік және Алаш ұлттық идеясы екенін баса айтты. Перуашевтің айтуынша, билік терең әлеуметтік-экономикалық және саяси реформаларды қабылдап, жүзеге асыру қажет», - деді Азат Перуашев.

***

Солтүстік Қазақстан облысы Аққайың ауданының әкіміне оңтүстіктен қоныс аударғандардың үйінің нашар салынуына байланысты қатаң сөгіс жарияланды, - деп хабарлайды Tengrinews.kz. Аққайың ауданының әкімі Рүстем Елубаев мемлекеттік бағдарламаға атүсті қараған. Әкімдік салып берген үй жылымай қойған. СҚО әкімінің тапсырмасы бойынша қызметтік тергеу жүргізілген. Аймақ басшысы аудан әкімдері мен мемлекеттік орган басшыларына жауапкершілік туралы ескертті, тіпті жұмысынан босатылатынын айтты.

***

Атыраудағы Махамбет атындағы академиялық қазақ драма театрының алдына өнер тарландары Сабира Майқанова, Нұрмұхан Жантөрин, Хадиша Бөкеева және Асанәлі Әшімовке арналған композиция ашылды, деп хабарлайды ҚазАқпарат. Салтанатты шараға театр және кино актері, КСРО халық әртісі, Қазақстанның Еңбек Ері Асанәлі Әшімов және өзге зиялы қауым өкілдері қатысты. «Бұл мәдениет пен өнерге, оның өкілдеріне, аға ұрпаққа көрсетілген құрмет» - деді облыс әкімінің орынбасары Бақытгүл Хаменова.

***

Павлодарлық құтқарушылар мұз астына түсіп кеткен балықшыны судан алып шықты. Оқиға бүгін таңертең болған. 112 пультіне «Акуленок» шығанағының аумағында ер адамның балық аулау кезінде мұз астына түсіп кеткені туралы хабарлама келіп түсті. Құтқарушылар оқиға орнына жедел жетіп, балықшы құтқарды. Мұздың тым жұқа болуына байланысты құтқару жұмыстары күрделене түсті. Құтқарушылар 1960 жылғы ер адамды мұздан шығарып алып, жедел жәрдем қызметінің бригадасына тапсырды. Ер адам ауруханаға жатқызылды. ТЖМ тұрғындарға осындай жағдайлардың алдын алу үшін жұқа мұзға шықпауға кеңес береді.

***

Ақмола облысы аумағында барымташылар ұсталды. Қылмыстық топты ұстау бойынша арнайы операция жүргізілді. Бұл туралы Нұр-Сұлтан қаласының полиция департаменті хабарлады. Топ төрт адамнан құралған. Олардың мал ұрлаудың төрт фактісіне қатысы бар екені анықталды. Қылмыскерлер түнгі уақытта далада жайылып жүрген ірі қара малды атып, етін сол жерде мүшелеп, оны елорда базарларында сатқан.

Қазақ радиоларының таңдаулы подкасттарын podcast.qazradio.fm сайтынан таба аласыз.

426 млн детей в мире проживали в прошлом году в зонах вооруженных конфликтов.

ВОЗ назвала популярный антиковидный препарат неэффективным.

Обладателем Букеровской премии по литературе стал дебютный роман.

 

791 казахстанец заболел коронавирусом за сутки. Больше всего инфицированных в Восточно-Казахстанской области – 242, Алматы – 91 и по 85 пациентов в Северо-Казахстанской и Павлодарской областях. Число выявленных случаев КВИ достигло 123 888. Выздоровели 311 человек. Лидирует по этому показателю Восточный Казахстан – 88 победивших вирус, Костанайская область – 53 и Северо-Казахстанская - 36.

***

ВОЗ рекомендует отказаться от популярного лекарства для лечения COVID-19 - противовирусного препарата ремдесивир. По информации Организации, нет доказательств, что он улучшает выживаемость или снижает необходимость проведения вентиляции легких. Эксперты ВОЗ при составлении рекомендаций учли результаты четырех международных испытаний с участием более семи тысяч пациентов. Выяснилось, что препарат не имеет значимого эффекта в том, что касается смертности или других важных результатов для больных. Отмечу, в мире ремдесивир используют в качестве потенциально эффективного средства лечения при тяжелом протекании коронавируса.

***

В ООН назвали наиболее опасные для детей страны. По данным благотворительной организации Save the Children, почти каждый пятый ребенок в мире растет в условиях вооруженных конфликтов. В этом году в таких локациях проживали 426 млн детей. Показатель вырос на 11 млн и достиг абсолютного рекорда. Кроме того, как указано в докладе, с 2010 года в мире были убиты или искалечены более 93 тысяч детей. Только в прошлом году задокументировано 10 тысяч 300 таких случаев. Среди преступлений против детей Организация Объединенных Наций также упоминает вовлечение в вооруженные группировки и сексуальное насилие. Наиболее опасными странами для детей в прошлом году стали Афганистан, Конго, Ирак, Йемен, Мали, Нигерия, Сирия, Сомали, Судан, Южный Судан и Центрально-Африканская Республика.

***

Дебютный роман шотландского писателя получил букеровскую премию. Одну из самых престижных наград в области литературы на английском языке присудили Дугласу Стюарту за "Шагги Бейн". Роман посвящен матери писателя, умершей от алкоголизма, когда ему было 16 лет. Книга рассказывает о непростом периоде взросления мальчика из неблагополучной семьи в Глазго 80-х годов. Жюри назвала детские воспоминания автора «душераздирающей историей». 44-летний Стюарт стал вторым шотландцем в истории, который был удостоен Букеровской премии. Имя лауреата награды было выбрано из шести отобранных писателей. Главной сенсацией премии этого года стало то, что английский автор и обладательница двух Букеров Хилари Мэнтел не попала в этот короткий список.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Мемлекет басшысы «География және су қауіпсіздігі институты» АҚ басқарма төрағасы Ахметқал Медеуді қабылдады, деп хабарлайды ҚазАқпарат Ақорданың баспасөз қызметіне сілтеме жасап. Қасым-Жомарт Тоқаевқа ғылыми орталықтың негізгі бағыттары мен оны дамытудың басымдықтары жайында баяндалды. Ахметқал Медеу Президентке институттың су қауіпсіздігін, табиғи қатерлерді, экология мен картография бағыттарындағы зерттеу жұмыстары туралы мәлімет берді. Мемлекет басшысы Арал теңізі, Сырдария және Жайық өзендері, сондай-ақ, басқа да бірқатар су қоймаларына қатысты проблемаларды шешу жолында су қауіпсіздігін зерттеу мәселесінің маңызды екенін айтты.

***

Сенат депутаттары алдағы 3 жылдық бюджеттің жобасын Мәжіліске кері қайтарды. Сенаторлар құжатқа 39 өзгеріс енгізді, деп хабарлайды «Хабар 24». Депутат Нұрлан Қылышбаев Ұлттық қордың қаражатын пайдалануға қатысты алаңдаушылық білдірді. Оның айтуынша, Үкімет шикізаттық емес табыс көздерін табуы тиіс. Сондай-ақ министрлер кабинеті бюджетті жоспарлағанда мұнай бағасының өзгеру мүмкіндігін ескерген жоқ деген сын пікірлер айтылды. Яғни елдің келешектегі әлеуметтік-экономикалық дамуы бойынша болжамдар дұрыс жасалмай жатыр. Сенаторлар бюджет жоспарында коронавирус індетінің салдарынан өткізілмейтін шараларға қомақты қаражат қарастырылғанына қарсылық білдірді.

***

Бірінші сынып оқушыларына жылдық қорытынды баға қойылмайды. Студенттердің және оқушылардың аралық және қорытынды аттестаттауының Типтік ережелеріне өзгертулер енгізілді. Бұрын бірінші сынып оқушылары 3-ші және 4-ші тоқсандардың қорытындысы бойынша бағаланатын.

***

Қазақстанда жаңа 100 теңгелік монеталар шығарылды. Бірнеше өңірде "Дала қазыналары" монеталар сериясының JETI QAZYNA монеталары айналымға түсті, - деп хабарлайды Tengrinews.kz Ұлттық банкке сілтеме жасап. Олар қарапайым монеталар секілді заңды төлем құралы саналады.

***

Құны 466 млн теңге болатын алтын кенін Ресейге апара жатқан жүргізуші ұсталды, деп хабарлайды ҚазАқпарат Ұлттық қауіпсіздік комитетіне сілтеме жасап. Заң бұзушылық Қостанай облысындағы «Қайрақ» автомобиль өткізу пунктінде болған. Бұған дейін де 27 шілдеде осы өткізу пунктінде «кварцит» түріндегі «құрамында алтыны бар кенді» шекара асыру әрекеті іске аспай қалған. Жүргізуші ҚР азаматына қатысты қылмыстық іс қозғалды.

***

2050 жылға қарай Жер тұрғындарының жартысында артық салмақ болады дейді ғалымдар. Германиядағы Потсдам институтының зерттеушілері 30 жылда төрт миллиардтан астам адамда артық салмақ пайда болуы мүмкін екенін және олардың 1,5 миллиарды семіздікке ұшырайды деген болжам жасады, - деп хабарлайды Daily Mail. Ғалымдардың пікірінше, ғасырдың ортасына қарай азық-түлікке әлемдік сұраныс 50 пайызға артады. 2010 жылы әлем халқының 29 пайызында артық салмақ болып, 9 пайызы семіздікке шалдыққан екен. Зерттеулерге сәйкес, АҚШ пен Ұлыбритания бұл статистикадан озып кеткен. "Әлемде тамақ жеткілікті, мәселе - планетамыздағы ең кедей адамдарда оны сатып алуға табысы жоқтығында. Ал бай елдерде адамдар ысырапшылдықтың экономикалық және экологиялық салдарын сезбейді.

Қазақ радиоларының таңдаулы подкасттарын podcast.qazradio.fm сайтынан таба аласыз.

 

Елдегі саяси және қоғамдық күштер халық бірлігін нығайту жөнінде меморандум қабылдағаны дұрыс. Бұл туралы бүгін Қазақстан халқы Ассамблеясы Кеңесінің отырысында ҚР Тұңғыш Президенті - Елбасы, ҚХА Төрағасы Нұрсұлтан Назарбаев айтты. «Ол меморандумды дайындауымыз керек. Ассамблея осы бастаманы қолға алса, дұрыс болар еді. Бірлік, келісім, теңдік - біздің негізгі принциптеріміз. Оларды қорғауға барлығымыз күш салуымыз керек. Ассамблеяны жалпыазаматтық және жалпыұлттық институт ретінде дамыта беруіміз керек», - деді ҚР Тұңғыш Президенті. Сонымен бірге, Нұрсұлтан Назарбаев Ассамблеяның орталық аппаратының, өңірлік құрылымдардың және этномәдени бірлестіктердің тиімділігін арттыру қажетекендігін айтты.

***

Қазақстанда 5127 жеке күзет ұйымы бар. «Қазақстан Республикасының кейбір заңнамалық актілеріне күзет қызметі мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды. Заң жобасында күзет қызметтерін көрсету сапасын арттыруға, азаматтардың мүліктік және жеке құқықтарын қорғауды жетілдіруге әрі осы саладағы қолданыстағы заңнама нормаларының жекелеген сәйкессіздіктерін жоюға бағытталған бірқатар түзетулер көзделеді. Елімізде күзету және қаруды алып жүру құқына лицензиясы бар білікті күзетшілердің саны 97 116 адамға жетті. Былтыр жеке күзет күштері тарапынан 605 қылмыстық құқықбұзушылық, 11 мыңнан астам әкімшілік құқықбұзушылық анықталды.

***

Елорадада Astana Media Week 2020 медиа апталығы басталды. Қарашаның 13-не дейін жалғасатын шара отандық медиасаланы дамыту мен индустриядағы іскерлік қарым-қатынасты аймақтық және халықаралық деңгейде ілгерілету мақсатында ұйымдастырылып отыр. Шара сессиясында айтылғандай «Абай», «Әл-Фараби» сериалдары Тәуелсіздік күнінде ұлттық арна эфиріне шығады. Бұл туралы «Astana Media Week 2020» барысында «QAZAQSTAN» РТРК» АҚ Басқарма төрайымы Ләззат Танысбай айтты.

***

«Пандемияның талаптарына тез бейімделіп, жаңа контент, жаңа технологиялық мүмкіндіктерді қосып, аудитория үшін күресуге мәжбүрміз. Ал ондай күрес тез өзгеруді талап етеді. Бұл пікірді Astana Media Week 2020 шарасының «Мультиплатформалылық» пленарлық сессиясында «БілімМедиаГрупп» негізін қалаушы Рауан Кенжеханұлы білдірді.

***

Қарашаның 2-8 күндері аралығында елімізде коронавирус инфекциясынан 42 адам көз жұмды. Ең көп адам өлімі Алматы қаласында тіркелді. Бір апта ішінде өңірде індеттен 12 адам көз жұмды. ШҚО-да – 10, Батыс Қазақстан облысы – 7, Атырауда 5 адам қайтыс болды. Қазақстанда барлығы 1899 адам көз жұмды. Бұл туралы www.coronavirus2020.kz сайтында жазылған.

***

СҚО-да карантиндік бекеттер цифрландырылады. Қазір Петропавлдың кіреберіс жолдарына 15 ақылды камера орнатылып жатыр. Енді қалаға келетін жүргізушілер рұқсат қағаздарын электронды базаға алдын ала жібере алады. Ал бақылау жүйесі мемлекеттік нөмірді бірден танып, өтуге рұқсат береді. Бұл полицейлердің де, адамдардың да уақытын үнемдеп, көлік кептелісін алдын алады. Блокбекеттерге сонымен қатар дене қызуын өлшейтін тың құрылғылар қойылады.

***

Осы жылдың қаңтар-қазан айлар аралығында 386 мыңнан астам көпбалалы отбасыға мемлекеттік жәрдемақы берілді. Оның жалпы сомасы - 191,6 млрд теңге . «Қазан айында осы жәрдемақы түрін 388 мың отбасы алды. Аталған мемлекеттік жәрдемақыны 4 және одан көп бірге тұратын кәмелетке толмаған немесе күндізгі бөлімде оқитын 23 жасқа дейінгі студент балалары бар отбасылар табысына қарамастан ала алады- делінген Еңбек министрлігі баспасөз қызметінің мәліметінде.

***

Бүгін футболдан Қазақстан мен Черногория құрамалары жолдастық кездесу өткізеді. Құрамалар Черногория астанасында кездеседі. Ойын елорда уақытымен сағат 23.00-де басталады. Оны , Qazsport телеарнасы тікелей эфирде көрсетеді. Естеріңізге сала кетелік, Қазақстан құрамасы енді Ұлттар лигасында екі ойын өткізеді.

 

Алматыда театрлардың жұмысына рұқсат берілді. Бұл туралы Алматы қаласының бас мемлекеттік санитарлық дәрігерінің қаулысында айтылған. «Мәдени нысандарда әлеуметтік арақашықтықты сақтау керек. Сондай-ақ, санитарлық-дезинфекциялық режим, желдету және ауаны баптау жүйелері үздіксіз жұмыс істеп тұруы тиіс. Сондай-ақ, бүгіннен бастап күшейтілген санитарлық-дезинфекциялық режимді сақтай отырып, діни объектілердің қызметіне рұқсат берілді.

***

2021 жылдан бастап Қазақстандағы жоғары оқу орындары өз үлгісіндегі дипломдар беріп, сапа жауапкершілігін көтереді, деп хабарлайды ҚазАқпарат. Бұл туралы Білім және ғылым вице-министрі Мирас Дәуленов Орталық коммуникациялар қызметіндегі брифингте айтты. «Қазіргі уақытта Қазақстанның жоғары білім беру жүйесінде 128 ЖОО бар, оның 56-сы мемлекеттік, 72-сі – жекеменшік. 2018 жылы ЖОО-ның академиялық дербестігін кеңейтетін заң қабылданды. Осы Заң арқылы ЖОО-ларға өздерінің білім беру бағдарламаларын құруға, оқытушыларға қойылатын біліктілік талаптарын анықтауға мүмкіндік берілді», - деп атап өтті вице-министр.

***

Еңбек және халықты әлеуметтік қорғау министрлігі 2021 жылғы 10 қаңтарда өтетін Парламент Мәжілісі мен мәслихат депутаттарының сайлауында мүгедек жандар үшін аумақтық сайлау комиссияларына бірқатар ұсыным әзірледі. Атап айтқанда, пандустар, шақыру кнопкаларын, тактильді плиткалар, көрсеткіштер, мониторы бар компьютерлер, қосымша жарықтандыру, трафареттер және тағы басқаларын орнату туралы. Бұдан басқа, онлайн-сурдоаударма немесе ымдау тілі мамандарының кезекшілігі ұсынылады. Сонымен қатар, сайлау учаскелері ғимараттың бірінші қабатынан жоғары орналасқан жағдайда мүгедектігі бар адамның арбасына арналған арнайы лифт болуы керек. Сайлау күні сайлау учаскелеріне тасымалдау үшін инватакси жұмыс істейді деп жоспарлануда, деп хабарлайды министрліктің баспасөз қызметі.

***

Түркістан облысы аумағындағы облыстық маңызы бар «Шымкент-Көксәйек-Қасқасу-Шымкент» автомобиль жолы бойындағы «Сайрам су» өзеніндегі көпірге биыл күрделі жөндеу жұмыстары жүргізілді. Жөндеу жұмыстары кезінде, апатты жағдайдағы көпір толығымен қайта құрастырылды. Сонымен қатар, Ордабасы ауданындағы облыстық маңызы бар «Өзбекстан Республикасы шекарасы-Шардара-Арыс-Темірлан» автомобиль жолы бойындағы «Бадам» өзеніндегі көпір де жөнделді.

***

Ересектер арасында онлайн өткен чемпионатта елордалық ерлер құрамасы «Асық атудан» бірінші орынға ие болды, деп хабарлайды ҚазАқпарат. Әділхан Жұмағұлов, Мырзамұрат Қайыпбеков, Нұрқанат Молжігітов бастаған ерлер құрамасы өздерінің чемпиондық атағын төртінші рет сақтап қалды. Екінші орынды Түркістан облысы иеленсе, үшінші орынға Ақмола облысы қол жеткізген. Ал елордалық қыздар командасы «Бес асық» бойынша 2-ші орынды иеленді. Олар Қостанай облысының спортшыларына есе жіберіп, СҚО спортшыларынан басым түсті.

Қазақ радиоларының таңдаулы подкасттарын podcast.qazradio.fm сайтынан таба аласыз.