無人想一畢業就失業，但投身職場又係咪必定更成功？由初成社畜嘅殘酷物語，去到討論創業，甚至數碼遊牧嘅可能性（即一邊旅居各國、一邊遙距工作），舒文同燒賣會同大家煲起兩壺「毒雞湯」，用最辛辣嘅語言X醒各位打工仔！

返工返到無哂人生？咁一定要收聽今集嘅精彩內容，唔毒唔知身體好🤫

每個人身邊總有一位肥仔朋友，但又有幾多隻「潛力股」真係可以轉身變男神？

今集我哋請嚟好友「魚蛋」同我哋分享佢無痛減走40KG，由可愛肥仔變成疑似fuckboy嘅型男，再一齊回顧你我他都會有共鳴嘅中學歲月——唔同嘅係，喺網絡電繪界有一定名氣嘅「魚蛋」性格亦非常獨特 (in a good way)，往往鬧出唔少笑話。我哋甚至為佢撰寫咗一篇傳記，歌頌佢嘅優秀⋯⋯

＊「有客到」係我哋新推出嘅主題特輯，舒文同燒賣會定期邀請朋友上嚟傾計，有時圍爐，時而狙擊佢哋。如果你都想一路爆笑，一路剖析各位老友值得學習嘅隱藏一面，就記住收聽啦。

最快樂嘅國度，卻有全球數一數二高嘅自殺率；抱住求學上進嘅心思到訪，離開芬蘭時卻一個學分都無攞到⋯⋯到底花四個月喺北歐exchange值唔值得？堂就少上，卻學到人生最重要嘅技能之一，返到香港從此改頭換面 (literally)——一趟可謂「交換靈魂」嘅旅程，由亞熱帶走上北極圈嘅衝擊，且聽我哋為你娓娓道來。

上集就帶大家去咗阿根廷同智利，今集就繼續完成埋剩低嘅旅程啦！天空之鏡大家聽就聽得多喇，但實際又知唔知其實係邊到呢，想知真嘅天空之鏡究竟係有幾靚，靚到令人不敢相信眼前嘅一切，除咗聽之外，可以去我地IG到睇相啊！

今集帶大家耳朵去旅行! 飛到去地球嘅另一端，踏足阿根廷、玻利維亞同智利，探索拉丁美洲嘅文化同景點。除此之外，當然唔少得分享下旅途中嘅趣事同蝦碌事啦，想離開香港嘅，就一定要聽下喇~~

唔知大家有冇聽過「鄧巴數」呢，指嘅係我哋可以同某個人維持緊密人際關係嘅人數上限，咁究竟係幾多？答案就係150個，至於close friend呢就係5個。不過數字還數字，做唔做至友誼永固先係重點，所以不妨一齊討論下友誼這回事啦！