Otsailaren 11n "Emakume eta neska zientzialarien nazioarteko eguna" da. Hogeita hamabi euskal erakundek "Emakumeak zientzian 8. Ekimena" antolatu dute Araban, Bizkaian eta Gipuzkoan otsailaren 8tik 16ra. Ekimenaren helburua da azpimarratzea zientzialari eta teknologoek bizimodu beteko pertsonak izan nahi dutela. Zientzian diharduten emakumeen lana ikusarazi nahi dute, jarduera zientifiko-teknikoak gizonezkoen kontua diren ustearekin apurtu nahi dute eta neskek eta nerabeek zientziako ikasketak hauta ditzaten sustatu nahi dute.

BELDURRA JAIOTZETIK DUGUN EMOZIOA DA. GIZA ESPEZIE GISA BESTE ANIMALIA BATZUEKIN PARTEKATZEN DUGU, UGAZTUNEKIN BATEZ ERE. BELDURRAREN OINARRIZKO FUNTZIOETAKO BAT BIZIRIK IRAUTEN LAGUNTZEA DA. BELDURRAREN AURREAN, GARRANTZITSUA DENA BENETAKOA DEN EDOTA GURE IRUDIMENAREN EMAITZA OTE DEN BEREIZTEN JAKITEA. PARADOXIKOKI PERTSONA BATZUEK GOZATU EGITEN DUTE BELDURREZKO FILMAK IKUSTEN, ETA BESTE BATZUK, BERRIZ, BELDURREZKO SENTIMENDU HORIEK SAHIESTU EGITEN DITUZTE.

Betelgeuse izarraren inguruko argi-ilunak izan ditugu Zientzia Gosarian. Idoia Mujika Materiaren Fisika Zentruko Komunikazio arduradunak izarraren inguruko ikerketen berri eman digu.

Historiaurreko Europan duela hiru mila urte inguru drogen kontsumoaren zuzeneko ebidentzia bat dokumentatu ahal izan dute lehen aldiz, Idoia Mujika Materiaren Fisika Zentroko Komunikazio arduradunak Zientzia Gosarian azaldu duenez. Giza ilearen analisitik abiatuta lortutako emaitzak dira jasotakoak.

El Palo de Eratóstenes - Zientzia Elkarrizketak zikloa abian jarri du Aranzadi Zientzia Elkarteak herritarren artean astronomiari buruzko ezagutza zabaltzeko. Astronomian, astrofisikan, kosmologian eta hurbileko beste eremu zientifiko batzuetan oinarritutako zientzia-dibulgaziozko programa irekia da eta proiektuak Eureka! Zientzia Museoaren eta Donostia International Physics Center-en (DIPC) laguntza du. Virginia Garcia astronomoa izan dugu gonbidatu Zientzia Gosarian, Amaia Arregi Donostia International Phisiyc Centerreko zientzialaria eta komunikazio arduradunarekin batera.

Berunaren Aroan bizi izan zen Clair Patterson. Metal hori nonahi zegoen: hodietan, kristaletan, etxeko tresnerian, kontserba-latetan, baita jostailuetan ere. Eta, batez ere, gasolinaren igorpenetan. Idoia Mujika Materiaren fisika Zentroko komunikazio arduradunak Pattersonek egindako ikerketaz eta industria boteretsuenaren aurka egin zuen borroka epikoaz hitz egin digu Zientzia Gosarian.

Lynn Margulis biologo ebolutiboaren, XX. mendeko ezinbesteko zientzialariaren, lana eta ekarpen zientifikoa izango dugu mintzagai Zientzia Gosarian. Amaia Arregi, Donostia International Physic centerreko zientzialaria eta komunikazio arduradunak eman ditu xehetasunak.

Pertsona desberdinen DNArekin ernaldutako lehenengo haurtxoa jaio da Erresuma Batuan, sendaezinak diren gaixotasunak saihesteko medikuek erabilitako teknika berritzaile bati esker, Amaia Arregi Donostia Internation Pysicj Centerreko zientzialaria eta komunikazio Arduradunak Zientzia Gosarian azaldu digunaren arabera.

Orain arte pentsatzen zen barne-nukleoa mantua eta azala baino pixka bat azkarrago biratzen zuela, horri "supererrotazio" esaten zaio; eta, beraz, urtero gradu hamarren bat inguru aurreratzen zen. Ikerketa berri baten arabera, nukleoak frenatu egin du, kanpoko geruzen errotazio-abiadura bera lortu arte, eta again abiadura pixka bat txikiagoa ere. Horren inguruan hitz egin dugu Idoia Mujika Materiaren Fisika Zentroko Komunikazio arduradunarekin Zientzia Gosarian. Horrez gain, Inge Lehmann geologa gogoratu dugu.

Zientzia agertzen denean badirudi erromantizismoa, edertasuna eta zalantza desagertzen direla; eta zerbait humanistagoa denean, ez badago zientifikoki frogatuta, badirudi ez dela kontuan hartu beharrekoa. Bada, Idoia Mujika, Materiaren Fisika Zentroko komunikazio arduradunak oso emozionala den zerbaiti buruz hitz egin digu Zientzia Gosarian: musuaz jardun gara ikuspegi zientifikoa kontuan izanda.