Share Zwergschnauze
Share to email
Share to Facebook
Share to X
By Sam Jimmyjoe
The podcast currently has 100 episodes available.
Mir aui hei scho einisch sogenannti Teilnahmebedingungen vor Ouge gha. So schnäu si göffnet si, sisi meistens aber wieder gschlosse u mir ignorieren sie. Es Thema für üs Menschen, wo nie ufhört.
Nach dr letschte Folg isch jetzt e Wuche vergange. Vöu Feedbacks, u witeri Artikel zum Thema, rund um Luke Mockridge u sim Uftritt im Podcast vo die Deutschen. Doch e Stimm vomne Vater dringt dür au das düre. Genau die losemer üs i dere Folg a. De är, spricht Klartext.
Ide letschte Täg isch e rächti Diskussion rund ume Luke Mockridge entfacht. Het är würklech Mönsche mit Handicap beleidigt? Wie gseh ig das? De as Mönsch mit Kleinwuchs, gseh igs wie as Pflicht, mi derzue o z'üssere. Aber nid nume das. De ig ha vöu recherchiert, ufgrund vo Ussage, wo im Podcast vo Nizar u Shayan, aka "Die Deutschen", si gmacht worde.
I dere Folg bericht ig öich vore nöiie Serie, wo perfekt zum ne gmüetleche Fernsehobe passt. Sie isch heiss u schmackhaft in einem. Derzue veränderet sich idr Wäut vor Lebensmittelindustrie grad so einiges. Oder doch nid?
Stöu dr vor, i üsem Land bricht uf einisch e Bürgerchrieg los. Du bringsch di u dini liebschte i Sicherheit, bisch am Chrieg beteiligt oder hesch nume ei einzige Job: Während emene Roadtrip Bilder usem ganze Land vo däm Chrieg z'lifere. Öbe so chönntme d'Stimmig, vomene chürzlech erschinende Film, beschribe. Ou hinger däm Film, steckt wieder es Studio, wo immer ide letschte Johre fasch nume Filmperle het usebrocht.
Sit Jahrzähnte, reise vöu Schwizerinne u Schwizer für ihri verdiente Ferie, äntwäder mitem Outo oder Flüger, is Usland. Anderi blibe wiederum deheime i ihre vier Wänd, oder verbringe ihri Zit, wie Saisoncamper, ufnem Campingplatz. Das aber jetzt e Schwizer Tradition, die vom Saisioncamping idr Schwiz, für Profit nach u nach zerstört wird, hetme vor Jahre wou no nid gseh cho.
Was wär, wenn ig dir säge dass i üserer Gschicht es düsteres Kapitel stattgfunde, über das ir Schwiz aber chum öber drüber red? Was wär, wenn sich döu Lüt usdr Politik genau das Kapitel wieder wünsche? Weles Kapitel genau gmeint isch, erfarsch i dere Folg.
Mi Schlafrhytmus isch, sit i cha dänke, es richtigs Monster i mim Läbe. Was ussdr Britney Spears isch worde, das wüssemer sehr wahrschinlech aui. Aber was isch eigentlech us mine Crushs us mire Jugend worte? Wär si mini Crushs gsi? Die nöii Folg wirft e Blick zrug i mini Jugend u Kindheit.
E Brand us dr Modewelt het's gschafft, mi Troum, as nie erfolgrichs Supermodel, ändgültig s'zerstöre. Aber nid nume die heis gschafft, was kaputt z'mache i mim Läbe, sondern o e grosse Abieter vo alltägleche Tools für Content Creator. Jetzt het er so richtig schlächti Karte bi sine Kunde, dass die erschte Kündigunge ineflattere. Blib ig dem Abieter witerhin treu?
Di letzte Generation rüeft zum Protest uf. Aber nid ufdr Stross, sondern amne Ort, wo dini Ferie so richtig chönnte vermiest wärde. Was si mini Gedanke zu däm Vorhabe? Und was het e Ventilator mit mim Sofa z'tüe? All das, und no meh, idr nöiie Folg.
The podcast currently has 100 episodes available.