Kirolak norbere mugak neurtzen ditu. Esfortzua, nekea eta jarritako helburuetara iristeko egiteko gai garen ahalegina. Izerdia, alegia. Ze gozoa den askotan, sentipen gazi hori ezpainetan!

Hartu gaurko urratsa beste entrenamendu bat bezala. Egunero zure kirolean entrenatzen duzun bezala, hartu tarte bat zure burua ere entrenatzeko. Zure kirol praktikan markarik onena lortzen saiatzen zaren bezala, saiatu urrats honetan ere eman dezakezun guztia eskaintzen. Zure gorputza eta burua batera entrenatuz soilik lortuko baituzu zure onena ematea. Kirol proba prestatzeko urratsa emango dugu atal honetan, Naomi Mendizabalekin batera.