Die verdedigende SA Beker-kampioen, die Airlink Pumas, het hul sterk vertoning die naweek voortgesit met 'n klinkende 94-5 oorwinning – hul vierde van die seisoen – oor die Border Bulldogs by die Sisa Dukashe-stadion Saterdag. Die naweek se uitslae hou Griekwas bo-aan die punteleer met 25 punte na vyf oorwinnings. Hulle word gevolg deur die Pumas wat met 22 punte opskuif bo die SWD Arende weens ‘n beter punteverskil. Die Pumas is Vrydagaand weer tuis in aksie in die SA Beker wanneer hulle die Luiperd verwelkom. Jimmy Stonehouse kuier in die ateljee.

Q, Gerhardt en Coenie het Vrydag en Saterdag met 'n Mahindra 3XO van Mahindra Nelspruit die jaarlikse Klankgolf-konferensie in Pretoria bygewoon. Hulle het die rit geniet! Hein le Roux en Coenie gesels oor hoekom dié voertuig verlede jaar die SA kar van die jaar was.

Elzabé de Bruyn, organiese groentetuinkenner, het tydens Saterdag Ontbyt met Charles gesels oor voeding vir groentetuine en waarom organies beter werk.

Robin en Yolandi Lewis van Numinous Expeditions is tydelik terug van hul reis rondom Suider Afrika om in die Laeveld 'n stemselskenker-veldtog te loods.

Callum Mac Pherson van Securicon is terug as gereelde gas op 100.5FM waar hy misdaadwenke en tendense met luisteraars deel.

100.5FM saai môre regstreeks uit vanaf Safari Country by Valley Hyper. Lizelle Swart kuier by Sonop Ontbyt.

Zaden Mcbride het groot drome om eendag 'n sangloopbaan te hê. Hy deel dit met die Middag Game Drive.

NHS bied môre hul eerste Blitz Skaaktoernooi aan. Die skaakkapteine Franzelle Faul en Christiaan Lotter kuier in die ateljee.

SANParke sê die probleem van besoekers wat tydens wildritte in die Krugerwildtuin uit hul voertuie klim neem toe. Die afgelope Paasnaweek is ‘n man met 2-duisend-500-Rand beboet na hy by ‘n leeubesigting naby Krokodilbrug uit sy voertuig geklim het. In video-materiaal wat op sosiale media versprei is maak hy beledigende gebare na omstanders wat hom teen die gevaar waarsku. Owerhede het hom by die hek beboet. ‘n Woordvoerder, Rey Thakhuli, sê nog ‘n man is gewaar waar hy naby Olifante buite sy voertuig rondloop en selfies neem.

Dit is baie belangrik om jou dokumentasie in plek te hê vir in geval, sê Glynis Davies van Harcourts. "Dit veroorsaak soveel pyn en selfs 'n bakleiery as jy sterf en jy het nie 'n testament of eksekuteur nie."