۳۰ دقیقې - Voice of America

د یوناما مشرې د امنیت شورا ته ویلي چې افغانستان له نړیوالې ټولنې جلا شوی او د طالبانو پرېکړې د هغوی او نړۍ ترمنځ واټن پیدا کوي. د دېرش دقیقو په خپرونه پر دې موضوع سربېره په اوزبیکستان کې د فوټسال نړیوال جام او د افغانستان او سویلي افریقا لوبډلو ترمنځ د کرکټ سیالیو په اړه بحث کتلای شئ.

ظاهرا د ټاپي نل لیکې د پروژې چارې د څلورم ځل لپاره پيل شوي دي، ددې پروژې د بشپړیدو په اړه بیلابیل غبرګونونه، په البانیا کې د افغانو مېرمنو ترمنځ د لویې غونډې جوړیدو په اړه بحث، د افغانستان او نړۍ مهم خبرونه د دېرش دقیقو په خپرونه کې کتلای شئ.

د ملګرو ملتونو عمومي منشي انتونیو ګوتیریش د امنیت شورا ته ویلي چې د داعش خراسان څانګې په افغانستان کې خپلو جنګیالیو ته لارښوونه کړې چې په نورو هیوادونو کې بریدونه وکړي. د دېرش دقیقو په خپرونه کې پر دې موضوع سربېره په افغانستان کې پر اقتصادي او بشري وضعیت هم بحث شوی دی.

د اګست ۳۰مه په نړۍ کې د اجباري لادرکه کېدو د قربانیانو د نړیوالې ورځې، د طالبانو د امربالمعروف نوي قانون ته کورني او بهرني غبرګونونه، د افغانستان او نړۍ مهم خبرونه د دېرش دقیقو په خپرونه کې کتلای شئ.

د ۳۰ دقیقې په اونیزه خپرونه کې په امریکا کې د ولسمشرۍ د ټاکنو په لړ کې د دیموکرات ګوند د کنوانسیون د پایلو او په افغانستان کې د طالبانو لخوا د امربالمعروف د نوي قانون د خپرېدو په اړه راپورونه او بحثونه خپریږي.

د ۳۰ دقیقې په اونیزه خپرونه کې چې په دري او پښتو ژبو د هرې جمعې په شپه خپریږي، د اونۍ مهمو پیښو، رپوټونو او مرکو ته کتنه کیږي او د ورځنیو پیښو په اړه تازه او هر اړخیرې ارزونې وړاندې کوي.

د ایراني پولیسو په لاس د یو افغان ځوان د شکنجې د ویډیو خپرېدو غبرګونونه پارولي دي. د دېرش دقیقو په خپرونه کې پر دې موضوع سربېره په افغانستان کې د طالبانو تر واکمنۍ لاندې افغانستان کې د مذاهبو ازادۍ کمېدو او نورو مهمو موضوعاتو په اړه رپوټونه او مرکې لیدلای شئ.

د حماس سیاسي مشر اسماعیل هنیه په قطر کې خاورو ته وسپارل شو. د دېرش دقیقو په خپرونه کې پر سیمه د هغه د وژل کېدو اعیزې څېړل شوي او په افغانستان کې د پخوانیو پوځیانو سره د طالبانو د بد چلند په اړه د ملګرو ملتونو په راپور خبرې شوي.

پاکستاني چارواکي ټینګار کوي چې افراطي ډلې د افغانستان خاوره کاروي او په پاکستان کې بریدونه کوي، خو طالب چارواکو دا ادعا رد کړې ده. د دېرش دقیقو په خپرونه کې پر دې موضوع سربېره په افغانستان کې د ملګرو ملتونو لخوا د مېرمنو د ناهیلي کوونکي وضعیت په اړه د راپور جزیات هم کتلای شئ.

د امریکا د ویسکانسن ایالت په میلواکي کې د جمهوري غوښتونکي ګوند ملي کنګره پای ته ورسیدله. د دېرش دقیقو په خپرونه کې ددغې کنګرې د جزئیاتو سربیره د افغانستان په ختیځ کې د طبیعي پېښو له کبله د اوښتو زیانونو په اړه بحث کتلای شئ.