延續上集話題，今集薛梅、小瑜同草步子繼續同大家深入探討「男女結紮」呢個好多人想知但又唔敢大聲講嘅話題！🤓

原來女性避孕同結紮有好多選擇？單單係「環」已經有三種唔同類型畀你揀！到底邊種最適合自己？喺安省做結紮，OHIP 到底包唔包？等小瑜今集逐一為大家拆解！🧐

阿草仲會分享一個震撼嘅真人真事：有男性朋友結紮咗十年之後，居然「武功回歸」再度中獎？！😱

事隔幾個星期，今集《8Tpod》三位主持薛梅、小瑜同草步子終於再次坐埋一齊，繼續同大家講【生仔經】！👶🏻🍼

今集焦點聚焦喺身為「四寶媽」嘅阿草！到底生到第四個，係咪真係好似人哋講咁「越生越順利」？喺香港生仔同喺加拿大呢邊生，體驗同醫療制度又究竟有咩大分別？🧐

除此之外，三位媽媽仲分享佢哋對小朋友返學過「情人節」嘅睇法！喺幼稚園嘅時候，好多家長每逢節日都會幫小朋友們準備禮物送畀所有同學，究竟喺咁細個就灌輸呢種「大愛」Concept 係好定壞？定係會無端端變咗媽媽嘅負擔？😂💌

一講起「市議員」，大家腦海中係咪即刻浮現出著住西裝、嚴肅正經嘅形象？今集《8Tpod》薛梅 同草步子 請嚟萬錦市市議員——李思韻 (Isa) 作客！一坐低卸下議員光環，Isa 瞬間變回媽媽角色，同兩位主持好似閨蜜咁傾計，大談為人母親嘅苦與樂！

當年競選期間，Isa 原來已經陀住細女，但因為完全無妊娠症狀，連自己同身邊人都毫無察覺！當時佢仲好納悶點解自己會越行越肥，直到真正意識到懷孕嘅時候，原來距離預產期已經唔夠三個月！幸好細女超錫媽咪，生產過程極之順利，順利到 Isa 竟然生完第二日就即刻返工，完全無畀自己休息過！作為政壇新秀，Isa 坦言非常感謝佢嘅上司（萬錦市長），畀咗好大嘅自由度佢，等佢可以實現「帶埋女返工」嘅非一般職場日常！

係投身政界前，Isa 係一位資深新聞報導員。佢分享自己大學未畢業就非常幸運獲得報新聞嘅機會，其後機緣巧合轉職到新時代電視。其間佢曾經打算回港修讀新聞系碩士，幸得前上司極力挽留同埋心理輔導，令佢留低繼續主播生涯。亦正正因為呢份傳媒工作，令佢接收到無數在地華人嘅聲音，卻深感新聞報導始終係單向嘅，無法真正幫大家將聲音反映出去，最終驅使佢決心走出直播室，踏上從政之路。

從政 8 年，Isa 毫無保留同我哋分享咗市議員呢份工作背後嘅辛酸、解答大眾嘅迷思！

今集《8Tpod》薛梅、草步子好榮幸請到重量級音樂人——張崇基老師作客！ 講起崇基老師，相信大家第一時間一定會聯想到佢細佬張崇德，甚至成日將兩兄弟混淆。但原來佢哋兩兄弟唔止年齡相差兩年，由樣貌、體型到性格都截然不同！

崇基老師大爆自己童年嘅「黑歷史」，原來佢 14、15 歲嘅時候曾經重達 160 幾磅、坐擁 34 吋腰！因為唔想再畀人嗌肥仔，佢立定決心瘋狂操水兼改變飲食習慣，半年內狠減 40 幾磅，後來仲逆襲成為香港滑水代表隊，40 歲都依然代表緊香港出賽，甚至開埋滑水學校！嚟到加拿大雖然冇再教滑水，但就繼續教唱歌，將自己嘅音樂 experience 傳承落去。

兩兄弟入行多年，崇基老師坦言自己好動但內斂，細佬文靜但外向。縱使長大後對音樂睇法有唔同，但基本上極少嗌交。咁究竟由兩兄弟嘅「基會難德」，變成今次隻身一人嘅【One Live】個人演唱會，背後最大嘅原因係咩？答案竟然超乎想像——純粹係因為「時差」？！

今次【One Live】演唱會，「One」代表 Solo、亦代表佢人生嘅「第一次」個人演唱會；而「Live」除了是靚聲 Live Music，選址更揀左一個極少華人開個唱、但音響效果頂級嘅場地！想聽靚聲嘅朋友，絕對不能錯過！

今集《8Tpod》薛梅、草步子請嚟 功能內衣店主 —— 阿Wing！要同大家一齊深度解構全天下女性都想知、但又未必敢大膽問嘅：【胸部保養大迷思】👀✨

好多人以為胸部大細係天生就無得救？阿Wing 話你知：大細可能係天生，但胸型靚唔靚絕對可以靠後天培育！今集佢會由淺入深，由幾多歲開始要幫胸部做保養，講到瞓覺究竟需唔需要帶Bra？一個胸圍嘅壽命其實有幾長？

呢集資訊量十分豐富，無論係想搵返完美線條嘅媽媽們，定係注重體態嘅女仔，都一定要坐低聽吓！

今集《8Tpod》請嚟嘉賓阿 Ty！開台到依家第 5 集，我哋竟然從來都未正正式式同觀眾交代過：【究竟 8Tpod 呢個名係點讀同點解？】今集因為小瑜同阿梅逼供阿 Ty，終於逼到呢個名嘅解釋出嚟啦！

由兩個 80 後同一個 90 頭組成嘅奇妙組合，坐低一齊由「名」傾到「命」，分享大家對於生於自己嘅年代究竟「幸唔幸福」嘅獨特見解。

心水清嘅應該都記得，其實佢哋三個當初入行都喺電台報過交通 🚗 到底唔同嘅年代報交通有咩分別？中間又發生過咩令人哭笑不得嘅驚險趣事？

佢哋仲會由當年傳統電台嘅風光，一路講到依家經營一個台嘅困難。再去到如果有一日世界末日降臨，點解我哋依然需要一個電台？

今集《8Tpod》有小瑜、薛梅坐低，請嚟演技爐火純青嘅舞台劇演員——胡麗英！

Grace曾榮獲香港舞台劇獎兩次「最佳女主角（喜劇 / 鬧劇）」、兩次「最佳女配角（喜劇 / 鬧劇）」，以及一次「最佳女配角（悲劇 / 正劇）」，實力毋庸置疑 🏆

不過今次上嚟，Grace除咗分享由入行到依家嘅幕前演出經驗，到佢嘅愛情觀，仲會分享一場比演戲更驚險嘅人生考驗——從確診癌症、經歷化療到成功康復嘅抗癌心路歷程。一邊對抗病魔、一邊重拾健康嘅日子裡，佢同老公之間嘅相處之道又有咗咩全新嘅體會？

無論你係熱愛舞台劇，定係想喺人生嘅逆境中搵到一點力量同共鳴，呢集你絕對不能錯過 😌

今集《8Tpod》繼續有薛梅、小瑜、草步子三位女主持坐低，毫無保留同大家分享極赤裸嘅：【生仔經】👶🏻🍼

三個女人夾埋原來生咗七個小朋友！每一個嘅生產經歷都完全唔同。今集先有小瑜講佢當年由清醒，痛到唔清醒嘅全過程，中間驚險萬分，直情好似拍緊災難片咁？！🫣

今集嘉賓請嚟「住加男人  @CanMen  」肥Sam作客，同薛梅、草步子一齊探討：【愛情，究竟值唔值得投資？】📈📉

到底用經濟學角度睇感情要點樣計 ROI？幾時應該止蝕？定係根本注定係一場高風險低回報嘅博弈？

由 80 後在地 DJ 薛梅、小瑜、草步子主持嘅全新多倫多訪談頻道《8Tpod》正式開咪！🎙️

第一集三位主持輪流分享自己嘅入行同新移民經歷，一開咪就資訊量極高、毫無保留！🤫