ཨ་རིའི་རླུང་འཕྲིན་ཁང་།

༄༅།། ཨུ་རུ་སུའི་དམག་གིས་ཡུཀ་རེན་ལ་མེ་ཤུགས་འཕུར་མདེལ་གྱིས་རྒོལ་རྡུང་བྱེད་པའི་ཞོར་དུ་ཕུ་ཊིན་གྱིས་རྒྱལ་ནང་གི་དགྲ་བོ་ཞེས་མི་ཁག་ཅིག་དམིགས་འབེན་དུ་བཟུང་ནས་གནོན་སྡོམ་བྱེད་ཀྱི་ཡོད་པའི་སྐོར། གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་ཁག་ཅིག་རྒྱལ་མཚན་ཚེ་རིང་གིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།

ཉིན་ལྟར་ཐོན་བཞིན་པའི་བོད་དང་ཨ་རིའི་གསར་འགྱུར་ཁག་དང་། འཛམ་གླིང་གསར་འགྱུར་ཁག་རྒྱང་སྲིང་ཞུས་པ་ཕུད། དེ་མིན་དམིགས་བསལ་ལེ་ཚན་ཁག་ཅིག་རྒྱང་སྲིང་ཞུ་བཞིན་ཡོད།

༄༅།། ཨུ་རུ་སུའི་ཕྱི་སྲིད་བློན་ཆེན་རྒྱ་ནག་ལ་འཚམས་འདྲིར་ཕེབས་ཏེ་ཕྱོགས་གཉིས་ཀྱིས་འཛམ་གླིང་འདིར་དམངས་གཙོའི་ལམ་ལུགས་གསར་པ་ཞིག་དར་སྤེལ་དགོས་ཞེས་འགྲེལ་བརྗོད་བྱེད་ཀྱི་ཡོད་པའི་སྐོར། རྒྱལ་སྤྱིའི་གསར་ཤོག་ཁག་ཏུ་ཐོན་པའི་གནས་ཚུལ་རྣམས་པདྨ་བདེ་ཆེན་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།

༄༅།། ཟླ་བ་རྗེས་མར་ལྷོ་ཀོ་རི་ཡ་དང་ཨ་མི་རི་ཀའི་མཉམ་འབྲེལ་དམག་སྦྱོང་མགོ་ཚུགས་ཀྱི་ཡོད་ཅིང་། འདི་ནི་འདས་པའི་ལོ་མང་རིང་ཕྱོགས་གཉིས་ཀས་མཚོན་ཆ་སྣ་མང་བཀོལ་སྤྱོད་བྱས་མྱོང་མེད་པ་ཞིག་ཐེངས་དང་པོར་བཀོལ་སྤྱོད་བྱ་རྒྱུ་དང་དམག་དཔུང་ཕོན་ཆེན་ཞིག་མཉམ་འབྲེལ་དམག་སྦྱོང་དེར་ཞུགས་བྱེད་ཀྱི་ཡོད་པར་མ་ཟད།

སྙན་སྒྲོན་ཞུ་ཡི་རེད།།

༄༅།། རྒྱ་ནག་གི་གཞུང་གཉེར་གསར་འགྱུར་ལས་ཁང་གི་ལས་བྱེད་པ་དང་གཞུང་འབྲེལ་དཔོན་རིགས་མང་པོ་ཞིག་གིས་ནུབ་ཕྱོགས་རྒྱལ་ཁབ་ཁག་ཏུ་དར་སྲོལ་ཆེན་པོ་ཡོད་པའི་སྤྱི་ཚོགས་བརྒྱུད་ལམ་ཁག་བཀོལ་སྤྱོད་བྱས་ནས་རྒྱ་ནག་གཞུང་གི་ལངས་ཕྱོགས་དང་སྲིད་བྱུས་རྣམས་དྲིལ་བསྒྲགས་ཤུགས་ཆེན་བྱེད་ཀྱི་ཡོད་ཅིང་།

ཡུཀ་རེན་གྱི་དམག་འཁྲུག་ལ་བྱུས་ཉེས་ཆེན་པོ་བྱུང་བ་དང་ནུབ་ཕྱོགས་རྒྱལ་ཁབ་ཁག་གིས་ཨུ་རུ་སུར་དཔལ་འབྱོར་དང་ཚོང་ལས་བཀག་སྡོམ་གྱི་ཉེས་ཆད་དྲག་པོ་བཅད། ཨུ་རུ་སུའི་གཞུང་གི་གཤམ་འོག་ལས་སྣེ་ཚོས་ཕུ་ཊིན་ལ་ལགས་སོ་འབའ་ཞིག་ཟེར་ནས་གནས་ཚུལ་ངོ་མ་བཤད་མ་ཕོད་པར་ཕུ་ཊིན་རྩིས་ལོག་ཐེབས་ཏེ་ཡུཀ་རེན་ལ་དམག་འཁྲུག་བརྒྱབ་པ་རེད

༄༅།། ཡུཀ་རེན་བ་ས་ཡ་༤་ལྷག་དམག་འཁྲུག་ལ་གཡོལ་བར་ཁྱིམ་མཚེས་རྒྱལ་ཁབ་ཁག་དང་ཨ་མི་རི་ཀ་སོགས་ལ་བཙན་བྱོལ་དུ་འབྲོ་དགོས་བྱུང་འདུག་ཅེས་འཛམ་གླིང་མཉམ་འབྲེལ་རྒྱལ་ཚོགས་ཀྱིས་གནས་ཚུལ་སྤེལ་འདུག་པའི་སྐོར། གསར་འགྱུར་བརྒྱུད་ལམ་ཁག་ཏུ་ཐོན་པའི་གནས་ཚུལ་ཁག་ཅིག་རྒྱལ་མཚན་ཚེ་རིང་གིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།

༄༅།། ཐེ་ཝན་དུ་བཅའ་སྡོད་ཨ་རིའི་ཉམས་ཞིབ་ཁང་སྟེ། ཨ་རིའི་གཞུང་འབྲེལ་མ་ཡིན་པའི་གཞུང་ཚབ་པས་རྒྱ་ནག་གིས་ཐེ་ཝན་ལ་དྲག་པོའི་འཇིགས་སྐུལ་དང་དཔལ་འབྱོར་གི་གནོན་ཤུགས་སྤྲོད་བཞིན་པ་ནི་དམངས་གཙོའི་རྒྱལ་ཁབ་གཞན་ཁག་ལའང་འཇིགས་སྐུལ་དང་གནོན་ཤུགས་སྤྲོད་ཀྱི་ཡོད་པ་ཞིག་མཚོན་ཐུབ་ཅེས་གཏམ་བཤད་གནང་འདུག་པའི་སྐོར།

༄༅།། རྒྱ་ནག་གི་འགོ་ཁྲིད་ཞིན་ཅིན་ཕིང་གིས་རེས་གཟའ་ཕུར་བུའི་ཉིན་ས་གནས་ཀྱི་ཚོགས་འདུ་ཞིག་གི་ཐོག་ཏུ་ཨབ་གྷ་ཎི་སི་ཐན་ལ་རྒྱབ་སྐྱོར་ཤུགས་ཆེན་བྱས་ཡོད་ཅིང་། འོན་ཀྱང་རྒྱལ་ཁབ་དེའི་དབང་སྒྱུར་བ་ཏ་ལི་བྷན་ཤོག་ཁག་གིས་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་ཚབས་ཆེན་གཏོང་གི་ཡོད་པར་ཚིག་ཟུར་ཙམ་གླེང་སློང་བྱས་མེད་པའི་སྐོར།

བོད་མི་མང་སྤྱི་འཐུས་ལྷན་ཚོགས་ནས་རྩིས་ལོ་༢༠༢༢-༢༠༢༣་བར་གྱི་བོད་མིའི་སྒྲིག་འཛུགས་ཀྱི་སྔོན་རྩིས་མ་དངུལ་ཧིན་སྒོར་༢༥༤༢༢༡༥༧༤༩་བཀའ་ཁྲོལ་གཏན་འབེབས་བྱུང་བའི་གཏོང་ལེན་ཁྲིམས་ཡིག་བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་གིས་སྒྲོགས་སྦྱང་ཞུས།