Orgullo educativo coa FP do Losada Diéguez, premiada en Galicia Skills

Xa están listas as cartas para os Reis Magos

No rural, proxéctanse 50 illas de reciclaxe ♻️

Actualidade política polo polígono de Toedo

E nas comarcas: emprego, tradición e deporte, co Padrón 10KM ‍♂️

O que pasa na Estrada, pasa por aquí

Comezamos con cultura, porque na Estrada celebramos o Ano Castelao. Este xoves ábrese na Casa das Letras unha exposición sobre Sempre en Galiza. Da memoria colectiva pasamos á máis antiga, cos primeiros traballos arqueolóxicos no castro de Barbude, que ademais poderá visitarse este sábado ‍♀️ . Esta mañá tamén se falou do futuro industrial, nun encontro coa Xunta e empresarios para abordar a ampliación do polígono de Toedo. En clave de benestar, xa está aberto o prazo para a actividade de piscina para persoas maiores de 50 anos. E en deportes, unha nova que doe: o Rallymix da Sidra deixa de celebrarse, tras catro anos sendo unha proba referente e moi querida por pilotos e afeccionados. Todo isto pasa aquí, na Estrada, na Radio Estrada.

No informativo de hoxe en Radio Estrada falamos da presentación do Plan de Saúde Local da Estrada 2026–2030, un documento que aposta por reforzar a Atención Primaria e integrar sanidade, servizos sociais e acción comunitaria.

Abrimos tamén o prazo de inscrición para a actividade de piscina dirixida a persoas maiores de 50 anos, que se desenvolverá entre xaneiro e marzo de 2026 con grupos reducidos.

No ámbito político, o PSOE da Estrada denuncia atrasos na reapertura das rúas anexas á praza da Farola, advertindo de prexuízos graves para o comercio do casco urbano.

En comarcas, informamos dun accidente en Saiar (Caldas de Reis) no que resultaron feridos un pai e a súa filla, así como das xornadas prácticas sobre intelixencia artificial aplicada ao turismo impulsadas pola Deputación en Pontevedra, e dos obradoiros de capacitación dixital para persoas maiores en Vila de Cruces.

No apartado deportivo, escoitamos o resumo da fin de semana da man de Rafa Vázquez, coa derrota do CD Estradense por 2–1 ante o Somozas.

A nova da xornada:

O Concello elaborará o proxecto para ampliar a depuradora de Aguións, que xa está ao límite da súa capacidade.

E máis servizos.

♻️ A Estrada inicia unha campaña a pé de rúa para repartir as tarxetas do colector de orgánica.

E no ámbito político:

o PSOE critica a tardanza na instalación das marquesinas escolares

e pide melloras nas paradas das parroquias.

Este domingo tamén hai cita en Santiago.

Manifestación contra Altri e a mina de Touro, con buses desde toda Galicia.

Desde a Estrada, o BNG anima á veciñanza a participar.

Programan un Nadal pensado para gozar en familia, con obradoiros, música e festas ata Reis.

Toda a actualidade local, cada día, aquí.

O que pasa na Estrada, pasa por aquí.

Hoxe volvemos cunha de motores e coidado para as familias ✨

Motor Clasic & Feira de Antigüidades

Volven con máis de 5.600 m² de exposición e moitas ganas ️

Novas marquesiñas

O Concello colocou as marquesiñas nos colexios Avelina Valladares, García Barros e Antón Losada Diéguez ️

Camiña Rural

Reactivado o programa, con novos asfaltados e un proxecto de 800.000 € para 2026 ‍♀️ ️

Críticas do PSOE

Falando de retrasos nos orzamentos e carencias en servizos como SAF, lixo, vivenda e emprego ⚠️

Cuntis

O PP pide renovar o céspede da Ran, sinalando deficiencias e máis lesións ⚽

Xa o sabes… o que pasa na Estrada, pasa por aquí

Hoxe traemos unha mensaxe clara:

A psicoanalista Jeanette Valiñas alerta do peso das relacións de poder nos presuntos casos de acoso e do impacto emocional nas vítimas.

Na Fundación de Exposicións, Manuel Magariños entra como vicepresidente primeiro e apróbanse orzamento e calendario do 2026.

O concelleiro Óscar Durán destaca o éxito dos 500 composteiros entregados porta a porta.

O PSOE mantén o voto de confianza en Manuel Magariños como vicepresidente da Fundación de Exposicións e Congresos da Estrada, pero reclama á Xunta de Galicia unha xerencia profesional.

E nas comarcas, a Deputación de Pontevedra presenta tres os foodtrucks promocionais das festas —coa do Salmón e a Sidra incluídas— e segue medrando a compostaxe en Boqueixón, O Pino e A Baña.

O que pasa na Estrada e arredores, pasa por aquí

Hoxe traémosche un resumo do que deu de si a xornada na Estrada…

Na piscina climatizada estivo Gonzalo Louzao, falando cos participantes do programa Adestra a túa saúde. Son vinte persoas que buscan mellorar saúde e ánimo… e polo que nos contan, van polo bo camiño.

En Couso, a Xunta avala ambientalmente un novo campamento turístico, con cabañas e zona de acampada nunha parcela de máis de seis mil metros cadrados. Un proxecto que pode mover turismo e natureza na zona.

No pleno municipal, o PSOE presenta a súa moción sobre o IMELGA e critica que o goberno non respondese ás preguntas polo contrato do lixo.

En comarcas, a Deputación súmase ao seminario solidario da Escola Hong Muay Thai en Viascón, recollendo alimentos para familias de Cerdedo-Cotobade.

E no deportes, derrota do Estradense por un gol a cero fronte ao Montañeros. Rafa Vázquez tráeche o resumo completo destes días de xogo.

Xa o sabes…

O que pasa na Estrada, pasa por aquí

Hoxe na Estrada acendemos o Nadal ás 19:30, e comezan máis de trinta actividades ata Reis.

Na Escola do Seixo inaugurouse a exposición de Manuel Reimóndez Portela, e xa sabemos que Pedro Pastor actuará aquí o 28 de marzo.

Este domingo estreamos Pentagrama Galego en Radio Estrada

No pleno aprobouse manter a referencia do IMELGA en Santiago, e o BNG denuncia a contratación con GESECO e problemas no servizo do lixo.

En comarcas: Silleda acende luces este venres e en Rodeiro critícase o atraso da parcelaria.

E no deporte, xa temos a previa de Rafa Vázquez.

O que pasa na Estrada, pasa por aquí

«Boas! Na Estrada xa cheira a Nadal… e vén cargado de música, espectáculos familiares e máis de trinta actividades ata Reis. Un mes para vivir xuntas e xuntos a maxia do inverno.

As persoas maiores tamén terán o seu espazo: o programa YoConecto abre dous grupos de iniciación dixital para perderlle o medo á tecnoloxía.

No capítulo institucional, o PSOE leva ao Pleno a moción para manter os servizos do Imelga en Santiago.

E esta semana, no MOME, Sanidade organiza unha xornada sobre duelo e perda con Pilar Rey Suárez… un empurrón para afrontar estas datas tan sensibles.

A Garda Civil investiga dous sospeitosos por explotación laboral e trata en O Porriño.

E pechamos con cultura: a Coral Polifónica Estradense viaxa este sábado a Salamanca e xa pensa no seu concerto de Nadal do día 20.

Nas comarcas, Cuntis abre o prazo do Cuntilín Nadal e en Cerdedo-Cotobade avanza o proxecto termal dos Baños de San Xusto.

O que pasa na Estrada, pasa por aquí »

Boas, Estrada! Hoxe anunciouse o Papá Noel Solidario, o 14 de decembro, con actividades para toda a familia a favor da Fundación Andrea.

O PSOE pide explicacións pola perda de poboación e o BNG denuncia problemas de seguridade e reclama servizo nocturno da Policía Local.

A Coral marcha a Salamanca e xa prepara o concerto de Nadal.

En Rodeiro, novos vertidos ilegais; en Merza, a Banda busca novo director.

E xa vos podedes apuntar á San Silvestre e á San Silveira.

O que pasa na Estrada… pasa por aquí